由放學開始玩平板電腦女童雙眼視力遠低於標準

By race.cheng on 25 Feb 2019

小朋友對電子產品一直都愛不釋手，有時大人為咗令小朋友乖乖哋坐定定，就會畀小朋友玩電話或平板電腦，但可能反而害咗佢。

武漢有位4歲女童，因視力出現問題到醫院檢查，其後發現近視度數達600度，雙眼視力得返0.15（一般4-5歲兒童嘅正常視力下限係0.6），遠低於標準。

媽媽指，自己同老公經常加班，所以需要由嫲嫲照顧，有囡囡檢查後，再返屋企仔細問返先知，原來囡囡經常用平板電腦，由放學後就一直玩，會連續睇動畫或玩遊戲4至5個鐘，嫲嫲連食飯都會容許孫女繼續用，自己就在旁餵孫女食飯。

囡囡視力出現問題，但媽媽已經後悔莫及：「半個月前，發現囡囡睇嘢時經常瞇眼睛，更話眼睛痛，所以就帶佢去檢查，無諗過已經咁嚴重⋯⋯」醫生指：「女童嘅視力可能可以恢復，但極深嘅近視就應該唔可以改善。」兒童視力其實仍在發育階段，唔應該長時間使用電子產品，10歲以下兒童每日使用電子產品嘅時間，唔應該超過1個鐘，每使用20分鐘電子產品就要放鬆休息。