【以為一直有做運動 點知都會水腫抽筋腰酸背痛】

【以為一直有做運動 點知都會水腫抽筋腰酸背痛】

Bloggers 專欄靚媽鬆一鬆孕媽專區媽媽心事
By 混血小B媽媽Bonnie.K on 24 Feb 2019

唔經唔覺小編巳經懷孕六個月啦!成個孕期小B對我都我好好,所以我一直都無嘔吐,反胃,頭暈等等嘅症狀. 不過去到後期個肚突然大得好快,可能血液流動減慢嘅關係,對腳就開始水腫,隔晚就小腿抽筋,最慘就係腰酸背痛, 企又攰,坐得耐又背脊酸酸痛,連訓覺都唔可以成日轉身,太大動作好容易扯到個肚!小編一直有做運動及瑜珈,估唔到最後都避唔到腰背痛呢個最大嘅孕婦問題!

上網做下research 先發現原來依家好流行孕婦按摩,治療師會用獨特嘅按摩手法幫孕婦解決血液循環不良嘅問題,排出體內多餘積水,促進毒素代謝,減輕水腫及腰背酸痛。小編上星期就去左一間大型孕婦按摩治療中心- MAMA ME 試做有機礦物岩鹽按摩,真係一試難忘!真心分享比各位懷孕中嘅偉大媽媽。
經治療師講解後先知有機岩鹽係一種天然純淨嘅礦物質,經加熱後可以作按摩用途,而且功效比傳統熱石更高。首先治療師會用人手按摩肩頸,腰背,手腳,等我嘅身體慢慢放鬆,之後佢會將加熱左嘅岩鹽放係我嘅背脊,再由下而上咁按摩,真係舒服到訓著!由於我有水腫及抽筋問題,所以治療師好細心咁加強用岩鹽按摩我雙腳,做完一望對腳,真係去哂腫,即時瘦番,全身鬆弛晒!

MAMA ME 孕婦按摩中心仲有一支好hit既 origanic rosehip oil, 聽好多媽媽講晚晩keep住搽真係唔會出妊娠紋㗎! 我臨走都買左兩支, 希望最後呢幾個月我個肚仔都keep住白滑無紋啦!

經過一星期後我先寫呢編試後報告, 我想同大家講我竟然無再抽筋, 水腫同腰背痛亦都無之前咁嚴重. 仲有三個月小B就出世, 我要keep住做多幾次孕婦massage, 希望到時以一個最佳狀態去迎接我嘅BB!

MAMA ME 產前產後護理中心: https://www.mamame.com.hk
==============================
Text & Photos:混血小B媽媽Bonnie.K

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: MamiDaily


Share to Facebook