【玩轉免費兒童遊戲室 將軍澳香港單車館】

以荃灣人黎講入將軍澳係好遠既事，如果唔係探朋友真係好少會入黎。長途跋涉一於要同駿哥哥盡情地「放電」。

單車館兒童遊戲室以極限運動（BMX）為主題，場地有286平方米大，是康文署六大遊戲室之一。場內設有兒童遊戲室地上和牆壁均舖著軟墊，可讓兒童安全遊玩，尤其適合年紀較少的嬰孩在一個安全的環境中活動。

以大轆造型既凳

有好似齒輪既平衡軟墊可以向上面彈彈下

BMX難道動作賽道

場內唯一嘅滑梯，設計模仿比賽嘅斜路，牆壁又有「塗鴉」，好有感覺！

到妹妹換片時間去參觀下育嬰室先，牆上貼上很多BB衫仔，公仔，好乾淨夠大，但換片位第一個唔係太夠，哺乳室有2張梳化感覺舒服。

玩完場內就去室外放下電

有2個唔同難度既遊樂場（繩網陣，滑梯，親子千秋，小小攀石場仲有一架搖搖船）

呢度仲有大片草地，可以比小朋友跑下放下電

呢度係人工湖甘岩有人玩緊模型船

香港單車館兒童遊戲室詳情
地點：香港單車館（將軍澳寶康路105-107號）
人數：40位(每位兒童可帶同一位家長）
入場費用：免費
遊戲室開放時段:9:00am-8:00pm（不包括12:30pm至1:00pm）(每節時間45分鐘至1小時15分鐘不等）
(可參考以下網址：http://www.lcsd.gov.hk/tc/facilities/facilitieslist/children/playroom.html)

單車館指示牌
前往方法:MTR(坑口站B出口）步行前往，於基督教神召會梁省德小學與文曲里公園之間的行人路一直行，用行人隧道穿過環保大道，便可到達香港單車館。如果玩完遊戲室電力仲夠，可以去埋場館外既兒童遊樂場，大草地同模型船池。閒時或假日都會有好多一家大細向呢度搭個幕放張墊，野餐比佢跑下放下電。水池仲可以放下船仔添。賣點：1. 空曠少人，小朋友可以在遊戲室內隨處跑動2. 鄰近同區其他兒童遊戲室，小朋友可以玩足全日！3. 環境與整個體育館主題一脈相承，有心思4. 體育館外有一片大草地、人工湖同真·極限運動場地，淨係呢到都可以玩到一日時間！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：駿琳mama

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！