【情人節最浪漫的事 卻是在我坐月的日子】

見到標題，大家一定以為我又在說囡囡（Lulu)是上一輩子的情人之類的論調，Nonono~今次我想說的是我家的隊友。

但我與D先生一起這段日子裡面，最浪漫的事 卻是在我坐月的日子。話說我回娘家坐月兩星期後，我地決定星期日快閃回自己家。

下午 D 先生問我 夜晚煮飯好無？我心諗仲煮咩，湊住Lulu，已經好唔得閒求其買d野返來食咪算囉，另一方面又見佢興致勃勃 就好啦好啦。

望住堆洗好既菜心 我話恰咪算囉，唔好搞咁多野，但佢話炒菜心好食d，點知：
大廚燒紅個鑊，一落菜心，Ja一聲，啱啱訓著既Lulu都嚇醒埋，我個刻心中當然有氣，嬲佢為左自己鐘意食炒菜，嘈醒個囡，又要由頭暗過佢訓。

唔通將就一餐半餐 食安靜既恰菜唔得咩？到食得飯時，我依然梳化暗梗個囡訓，望住一檯飯餸，佢唯有自己一個孤獨食住先。

食食下，佢係度自言自語
「sorry 我無諗過搞成咁」
「我原本諗住難得你返到屋企 我想煮餐好既俾你食 因為見你食左咁耐飯盒」
「我諗住難得返來 俾你開開心心食餐好既」
(註:因為我訂月子餐 每日都送一堆飯餸來 係pack 落飯盒的)

見到面前呢個男人，誠懇又懊惱既樣子，我突然覺得成件事好浪慢，好多心心飄左出來，浪漫原來就是如此一回事！

唔知大家今日有無過浪漫既情人節呢？
祝大家Happy Valentine's Day

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：卡卡城

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！