【BB行BLW／加固 新手媽媽要知有咩好物雷物？ 過來人分享購物要點】

今次想分享下我買左關於BLW／加固嘅用品！

1. 餐墊/餐盤

相信睇到張圖都唔覺得陌生，因為呢個牌子都算係BLW幾多人用嘅一款黎！係我同C6行行下街見到Bearbear覺得好靚而買左！但我地錯了，買個陣完全無諗過張枱同張餐墊match 唔match到⋯⋯用嘅時候要真係要睇實，一個唔小心就會成張翻落地下⋯⋯

另一個買左就係呢個餐盤連蓋，佢個位都係大左少少，而且吸唔實張枱！

建議買之前真係要諗真d、做多d功課先，如果唔係就好似我咁～或者其實係我張櫈唔適合用黎BLW，哈哈！因為張櫈係朋友送，我都唔想再浪費錢去買過張櫈！

2.餐枱/櫈

呢張jellymom係朋友送嘅，但近排搬屋我地就係IKEA買左張High Chair比茯柃！因為C6話買張high Chair平過買張食飯櫈黎比佢綁jellymom(無言)

3.餐具

上年我地去日本旅行買左E字牌子嘅餐具，但用落發現好似唔係好岩，因為我買嘅係for右手用,但茯柃暫時慣用左手！所以之後我又⋯⋯買過另一副餐具比佢喇，呢副餐具就無分左右手，茯柃用得都幾好！！(套右手餐具希望有朝一日會用到)

4.食飯圍裙/圍兜

食飯圍裙我係淘寶買左兩款，一款係純粹風褸冼水料，後面兩條繩比你綁，因為佢連條繩都係同一質料，綁一個結會好易鬆，要打兩個結先得！食飯的話佢係OK嘅，但係如果食湯麵類就麻麻地喇！

另一款話係防水款，佢係兩隻手袖位同中間都多左層膠，而後面就一粒鈕＋一條繩～呢件食飯食湯麵都無問題！

圍兜係C6係BB展買嘅，唔係話佢唔好用，但對比起可以摺得嘅圍兜，感覺帶出街又好似有少少阻位！咁買左我都會照帶出街用下嘅，哈哈！！

總結：買野之前真係要做足功課先，唔係就好似我咁傻下傻下買左！哈哈，無計啦，生一個係蠢3年嫁嘛～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos： 茯柃媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！