【雪雪有話要說 Dear Mom and Dad】

「媽媽，眨下眼我就十個月大了，好多謝你帶我來到這個世界，由我係你個肚入面開始，我就聽到你同爸爸把聲，好想快D出來見到你地，但係到準備出來時，我又好驚，好緊張，所以我比原定時間遲左幾日先出來。好多謝你同爸爸對我的照顧。仲記得我岩岩來到這個世界，我成日都扭計，成日喊，其實係因為我咩都唔熟識，好驚。辛苦爸爸同你日日夜夜都照顧我，仲搞到爸爸爭D暈低。我宜家越來越乖，多謝你們俾安全感我，成日抱我，我知我重架，但有時唔見你們，我會驚，你們抱住我，我可以周圍睇，同埋可以痴住你們好溫暖。⋯⋯

十個月，多謝你們買很多玩具俾我，每日讀書給我聽，仲有得彈琴琴，最近我學識企，我知我成日周圍爬，好「琴騎」，係因為真係好好奇，好多謝你們保護我，我會盡量乖乖唔去危險地方，但我成日都唔記得。
⋯⋯

十個月，我又開始識講野，「媽媽媽媽」我其實好想叫你架，但我真係未識叫，我淨係叫到「DADA」，同埋「爸爸」，「爸爸」真係易發音D，媽媽我會努力架。我最近學識左「請請」「Hello」「祈禱手」「飛吻」「拍手手」，好多謝你們教識我咁多野。
⋯⋯

十個月，多謝媽媽每日花心思準備食物俾我，等我可以食到好多唔同的食物，仲可以自己拎住食，多謝你俾信心我去試，每次試新野我都好開心，多謝媽媽。
⋯⋯

十個月，多謝你們俾我一張舒服的床，多謝媽媽每晚都陪我訓著，我都唔知點解要見到你係到，先訓到。每朝起身見到你們，就係我最開心的一刻，所以我一定笑架，好想你們快點抱起我，去你們張床到玩！仲有，爸爸你好忙，早上是我成日唯一見到你的時間，所以我成日偷望你架。
⋯⋯

十個月，我知道媽媽早兩個月無再返工，想陪多D我，個個見到我，都話我幸福，最開心係我。媽媽好多謝你呀，我好開心！多謝你每日同我扮靚靚，推住BB車，揹住我帶我去街，等我認識多點這個世界，多謝你每日同我影好多靚相，我知道我成日都上Facebook， IG 架，仲有好多粉絲，hehe!
⋯⋯

但我知道，媽媽你之前有時會唔開心，仲搵緊目標、方向，煩好多屋企的事，媽媽我想你開心D呀，所以我成日對住你笑，我想你知道，你唔開心我都唔開心。
⋯⋯

爸爸媽媽，你們成日錫我，每日錫我好多啖，我都學緊，我好快會錫返你地。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：雪雪雪媽的一些事

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！