29歲新手媽媽羊水栓塞不幸離世

從來生小朋友就係踏咗半隻腳入鬼門關，能夠健健康康生下BB絕對唔係必然。美國有位29歲新手媽媽Sarah喺生產24小時後，出現癲癇，被醫生指係因為出現罕見羊水栓塞，最後不幸離世。

本來迎接新生命 Julian後，Sarah就準備同男友 Jean 返屋企，但其後Sarah指頭痛，更癲癇症發作，醫護人員隨即進行急救，男友 Jean見開始進行心外壓就知道情況不妙，結果搶救幾個鐘後，Sarah就離世。

當時 Jean抱着啱啱出世嘅仔仔，但眼前嘅女友就離世，簡直係瞬間從天堂跌入地獄。Jean痛心話：「原定生下BB後，我哋就決定結婚。當Sarah生完24小時後，我同佢共渡咗人生最快樂嘅時光，我完全難以想像我抱住我哋仔仔時，佢就係我眼前過世，但我必須花多啲時間記住依位女人，因為佢係我人生中最愛嘅人。」

羊水栓塞致死率超過50%到80%，但唔容易診斷會幾時喺媽媽身上發生，發生率亦相當低。羊水栓塞會喺產婦破水之後／子宮或子宮頸破裂後發生，因為羊水中部份嘅雜質進入媽媽體內，阻塞住肺部血管造成急性過敏反應，導致媽媽出現缺氧影響心肺功能，更令血液無法凝固，所以大部分會急救無效。

Text：Mami Editorial

Sources：Today