【大肚婆多擔心腦中演習生產過十次但仍然好緊張】

By 湜澄媽 on 21 Jan 2019

湜澄媽 - 在職媽媽一名，生完二寶之後，發現愈來愈冇記性，開始用心寫低澄兄湜弟的一點一滴，希望將來可以一齊回味。澄兄湜弟 facebook: https://www.facebook.com/desiree.ct.lee 湜澄媽 Instagram: https://www.instagram.com/desiree_dumbo

由於第一胎37周就生，我以為第二胎會差不多甚至更早，愈近預產期就愈心急，怕細佬太大隻會唔夠力生，怕開刀，怕食全餐⋯⋯

#大肚婆係好多擔心既

40周3，聖誕節零晨4:15，瞓瞓下痛醒，約10分鐘痛一痛⋯但由於早幾晚都有類似感覺，但痛完一個鐘又回復正常，所以，我都係瞓喺床睇定d先⋯ 但個腦諗緊要唔要洗頭/要唔要食野/要唔要話俾爸爸知⋯⋯

#雖然腦中演習過十次_但真係好緊張

4:45，已經5分鐘痛一痛，連後腰都痛啦！我知李湜準備好啦！叫醒爸爸出門⋯真係痛到行每步都痛！ #唔該的士要停正屋企樓下

5:15 到威院7樓，原來已經 4 度！一輪檢查後，就直接推我去待產房。今胎爸爸終於可以陪我，幫我按摩條腰同肩膀，等我冇咁痛⋯ 但陣痛一黎，真係好__痛‼ 唔想咬爸爸，唯有大大力捉實床欄⋯陪咗唔夠5分鐘，我就覺得有便意，大嗌「好痛呀！唔得啦！」點知仲係4度，俾護士建議真係忍唔住先好嗌過多一陣，又想便便，唔覺意用咗少少力⋯卜一聲之後感覺到一大攤暖水爆出黎 yeah ! 穿水啦 ! 6度啦 ε٩(๑> ₃ <)۶з

6:10 推我落去產房手術室，由7樓落5樓，護士途中不停叫我「夾實對腳，呼氣呼氣，唔好生住」但其實，一痛真係好難控制囉。入到手術室，有幾次都覺得細佬想衝出黎，但又未俾我用力，唔小心就拿實個肚，搞到bb心跳低咗，所以唔俾爸爸入黎陪產⋯⋯助產士話我太夠力，今胎需要喺唔痛既時候，用力 push10 秒，又唔洗剪⋯ 好似 push 咗4-5 次