【學識整「偽」KFC雞皇飯 小朋友又食得媽咪又放心！】

有一種凍叫媽媽覺得凍，有一種飯叫媽媽好想食，話說魚魚媽媽其實好鐘意食kfc嘅白汁雞皇飯，可惜魚魚媽媽屋企附近果間kfc永遠都係排哂長龍，帶住蝦米妹同蟹籽仔又冇理由要佢哋等咁耐，成日出街食又唔健康，魚魚媽媽就決定自家制『偽』kfc白汁雞皇飯，蝦米妹又食得，魚魚媽媽又唔洗排長龍等咁耐，仲可以滿足魚魚媽媽鐘意食白汁雞皇飯嘅慾望～

【餡料】

做法

1.先將雞肉切小塊，用少少鹽及黑胡椒粉醃雞肉20分鐘。熱鑊下油，下雞肉，煮數分鐘至肉變色。

2.然後落洋蔥，馬鈴薯粒及紅蘿蔔粒，煮3 - 5分鐘，然後落水，蓋上鑊蓋，用中小火煮約10分鐘，至馬鈴薯軟熟。

3.落鹽調味。

【白汁 】

做法：

1.在鑊內落牛油，煮至牛油溶化後，落麵粉，快速拌勻。

2.逐少加入牛奶，不停攪拌至沒有粉粒，用小火煮至醬汁濃稠，落鹽及黑胡椒粉調味，就成 白汁。

最後將【餡料】同【白汁】拌勻，如果 白汁 太濃稠，可多加點牛奶。

蝦米妹自己一個可以掃清光~

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：媽媽魚魚

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！