【無敵破壞王2 看後感 （含劇透）】

唔記得係悠姐第3定第4次入戲院睇戲，其實悠爸媽同佢都冇睇過第1集，咁點解佢會睇第2集呢？原因當然就係果一堆公主啦～

呢套野確實係有驚喜的，唔止小朋友岩睇，大朋友都絕對岩睇，完全無諗過可以用動畫形式介紹什麼是internet，什麼是bugs同virus，令小朋友以一個有趣的方式認識互聯網！好特別！

故事講隨著互聯網的出現令街機再不受歡迎，街機人物亦佔佔被淘呔，其實同現實都好似，當你跟唔上時代步伐時，亦自然慢慢被淘汰！破壞王同佢好朋友（原諒我完全忘記女主角個名）為了買個呔盤而進入互聯網，破壞王又為了賺錢而當上KOL，拍d片好無聊但又好多人睇，這正正講緊而家influencer的趨勢，再唔係只係讀得書多就搵到錢，而係只要你有橋，財源滾滾來。

然後好朋友因爲入左個online game發掘到自己鐘意的生活，想留響果度，但破壞王覺得唔變先係最好，好朋友才會永遠留響身邊，呢個諗法令佢產生左超大病毒破壞王出嚟，仲差d催毀了整個互聯網，值得一提個病毒破壞王真係好核突，嚇到場內細膽的小朋友喊爆大叫好驚，我家悠姐當然目無表情冇事發生啦????

後來破壞王諗通了，喜歡一個人應該比佢尋求佢喜歡的生活，病毒破壞王就消失了，生活又回復正常，而佢同好朋友的感情亦冇因爲小一齊而差左，藉此教導小朋友要尊重朋友的選擇！呢套戲真係值得一看，有笑有淚有意思～