【悠媽人奶路 – 心態才是王道】

路再難行，為咗仔女健康成長，當媽的就算再難行都會堅持去行！憑住呢份信念，當年為咗悠姐的這條人奶路，跌跌撞撞的行了兩年多，直至悠姐戒奶後才正式依依不捨地掛泵。（呢種心情真係好有哥德斯爾摩症候群病態）

記得4年前响政府醫院生悠姐，果D母乳餵哺宣傳搞到您好似唔餵人奶就唔配做人阿媽咁，令新手媽媽的我壓力超大，試過因為婆婆一句：你D奶係咪唔夠BB食飽呀？而在公眾場合爆喊，又試過半夜悠姐餓極大喊，悠爸想開奶餵奶粉，我顛咗咁攬住悠爸爆喊，搞到好似餵奶粉＝餵毒藥咁….仲有餵奶姿勢唔啱搞到乳頭損哂，痛到流哂眼水都仍堅持埋身，諗返起都唔知果陣係咪比人落咗毒，迫到自己差D產後抑鬱地餵咗1年多後，悠姐突然唔肯埋身又喊哂咁傷心一輪，再轉型全泵媽捱過多一年先捨得掛泵。

4年後樂少的出現，令我再次踏上呢條有血有淚的人奶路，今次比上次舒服得多，我亦深信因為心態上的轉變，令我由窮媽變富媽，就等我分享下，為各位新乳牛媽媽打打氣。

1) 心態的改變
由於上次入咗邪教咁的心態，令壓力大到差D抑鬱，今次吸取了上次的經驗，心態上作出重大的改變，由懷孕開始已同自己講，餵到就餵，餵唔到唔洗勉強，BB食奶粉一樣健康的心態，令自己沒有產生壓力，反而令奶水暢通無阻，源源不絕。

2) 疏通乳線
未出院前已安排通乳師上門疏通乳線，為乳線們Warm Up，話聲佢地知又係時候開工啦，通乳師除咗疏通咗乳線外，仲會為媽媽們按摩，令身心都得以放鬆，奶量自然會越來越多啦。

3) 工欲善其善　必先利其器
要選擇一個適合自己的泵奶器，你總聽過有媽媽說某牌子的泵奶器很好用，但用响自己身上卻強差人意，that’s why奶泵必須要試先知道邊個先係最適合自己，記得悠姐果時我係到差唔多4個月後先搵到自己的Mr.right奶泵，奶量慢慢提升，直至悠姐6個月後才可以全人奶。而今胎內地的著名品牌 – 優合，性價比高，我淘了大陸Version，當時比香港版The One價錢減一半(HK$400蚊有找)，但唔知係咪官方知道咗差價太多而提升返個價格，而家已經無咗這個絕頂優惠價了，不過就算正價都比其他M牌S牌等平一截，未買泵又立志想做乳牛媽媽的您可以考慮下。

大陸版The One
https://bit.ly/2Rv14i9

另外，想重點介紹一下我認為極度好用的接奶神器，好用程度達至10粒星，我是在Haakaa天貓官網淘回來的，但如果你認為淘寶不太信得過，亦歡迎在香港BB SHOP購買，價錢當然貴幾倍，但各有所好，冇所謂的。用法：當您一邊餵奶/泵奶，另一邊因為受刺激很容易會滴奶，呢個時候神器就很有用了，接返滴出嚟的奶水，最神奇是-有時你會發覺神器接得還要比你泵的要多，神器的發明簡直是我呢D用開單泵媽媽的福音啊！

接奶神器Haakaa
https://bit.ly/2VkRMo9

其他坊間話要飲上奶湯水食上奶食物等我就唔再多講啦，果D當然都有用，但悠媽真心覺得調整心態才是上上之策，有母乳問題亦歡迎分享討論討論，新一年恭祝各位乳牛媽媽，路路暢通（乳線），源源不絕（奶量）～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：樂。悠。遊

Photos：樂。悠。遊 & Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！