【補腰膝暖身湯水 花膠螺頭燉瘦肉】

其實自小JM出世之後我條腰都時好時壞，有時抱完熟睡嘅小JM後，成個人就更加係散晒。做媽媽嘅都係忙忙忙同忙多，顧得小朋友來又往往忽略咗自己。

而今次呢個湯水除咗啱媽媽們飲之餘，其實都好啱一家大細飲，補而不膩！

呢個燉湯除咗滋補肝腎，仲對腰膝酸軟，手腳冰冷及水腫嘅人任好啱飲！

材料：

花膠1~2個

螺頭2個

瘦肉一件

桂圓適量

小冬菇6-8粒

姜片2片

做法：

1.) 將瘦肉及螺頭洗淨，再汆水數分鐘，備用。

2.) 已預先發好嘅花膠切成小片，備用

3.) 桂圓及小冬菇需要洗淨再稍為浸一下。

4.) 將已汆水嘅螺頭切成片狀，備用

5.) 慢慢將材料鋪係燉盅之內，先將已切好嘅瘦肉及螺頭放於底層。

6.) 再將花膠及薑片放入

7.) 最後將桂圓及小冬菇放入，並加入水至八分滿，即可準備燉。

8.) 以精華燉模式燉三小時即成。

以瘦肉清燉及預先汆水，可減少燉湯嘅油份喔~!

燉湯亦比較清甜濃郁，所以唔加蜜棗及鹽都一樣夠味。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：傑。斯與晴

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！