【以愛相伴 見證BB學習各種動作 】

【以愛相伴 見證BB學習各種動作 】

爸媽分享 家庭關係
ByKami on 27 Dec 2018

其實由麥皮妹妹出世到而家,見證佢慢慢地學習各種動作

一個翻身,一個抬頭,一個發音,每一次既感受都好深刻!依家麥皮妹妹先三個幾月大,但我已經覺得時間過得好快。

終於明白作為新手媽媽見證住囡囡既每一刻都好感動,無時無刻都想係麥皮妹妹身邊留意住佢每一刻既成長。我希望以後麥皮妹妹既成長都可以比佢自由發揮小宇宙,選擇自己喜歡既事情,健健康康地長大!

黎緊亦會花更多時間陪伴麥皮妹妹,因為麥皮妹妹既第一學習對象就係父母,麥皮爸爸仲話想比阿女多啲接觸賽車,睇下會唔會可以激發起阿女對賽車既興趣。

不過我就覺得自己應該引導阿女自由去學鐘意既野,先再去重點比阿女去培訓,唔應該將自己既興趣放落小朋友身上。作為父母,我都會盡可能創造條件比阿女去學試唔同既野,比佢尋找自己既小舞台。隨住小朋友長大,佢地既生活就係離不開功課輔導、應付測驗考試,所以我而家一定會爭取時間去陪佢玩,比阿女有足夠既安全感,我地比到安全感亦會令麥皮妹妹更有自信。

廣告
廣告

有自信既小朋友先可以自主學習,樂於探索,搵到自己既興趣。

==============================

Text & PhotosKami

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected]com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

 

Share to Facebook