【5日4夜出走泰國遊記 有老有嫩都冇問題】

【5日4夜出走泰國遊記 有老有嫩都冇問題】

爸媽分享 親子玩樂 湊B趣聞
ByMimi JW on 24 Dec 2018

吸取左半年前心怡第1次搭飛機去台灣經驗,今次去泰國執行李相對輕鬆D,因為已經有左個實戰CHECKLIST喺手,所以今次執喼縮短到1日,哈哈!!

回顧番去台灣墾丁個情況,擔心買生活用品唔方便,所以物資上都預備得好充足,甚至乎多左好多野。依家心怡長大左半歲,飲食方面都已經唔駛煲粥仔或分開煮面面。希望佢搭飛機都會更加順利!

今次心怡已經認得飛機啦~今次泰國去左5日4夜,只玩曼谷,早機0750去晚機1840返,搭泰國航空。今次同嫲嫲姨婆佢地1行6人去,長輩多,所以都係住番T21,實在太方便,搭車行商場按摩食野買野超市乜都有齊!! 講番出發當天,天未光5點度就出門搭十士去機場,心怡好合作咁配合換衫出發,仲記得識講”搭飛機”。喺的士好安靜咁啜住指望風景,無扭眼訓。CHECK IN之後,就喺地地放電跑,同爸B睇真嘅大飛機,佢好開心:”飛機郁嘅!!”  泰航大機2+4+2,安排坐在中間4個位的第1行,都幾闊落,心怡周身郁都無問題。 泰航有2樣野唔夠國泰細心,第一係無BB的飛機餐,另外係無BB的安全帶。上次坐國泰,一埋位就已經有袋BABY FOOD, 1塊片片,BB濕紙巾,同埋果汁,好豐富下架!!  今次好彩我都準備左少少零食上機!!  安全帶就泰航空姐話BB坐大脾用手抱住BB就OK。救生衣就另外放喺我前面雜誌架。 心怡八卦左坐位周圍D野後,就開MICKEY俾佢睇,等佢分散下注意,同攰攰地快D訓。佢真係非常咁合作,其實都因為佢咁早起身,個人都好攰。起飛無耐就訓左,都訓左有1個鐘,無喊無扭無話耳仔痛! 直到送飛機餐,好感恩大人差唔多食完,佢就醒,一醒左有早餐食個人好開心!! 當日泰航早餐有點心同炒蛋揀,個炒蛋真心好食,唔係HEA炒,軟硬度水份岩岩好,同埋份量好夠!!  之後又開MICKEY睇,傾下計,好快順利就到埗!! 感恩感恩!!!!!!!

心怡入左酒店房之後嘩左聲, 之後好興奮咁四圍八卦,最估唔到係心怡見到枱面有酒店MEMO PAD同支筆,佢開心大叫話:可以寫字字呀!!!!  跟住就係度畫畫啦!!  我覺得好好笑,又有D感動,又有D心痛—去旅行應該放電玩,但都掛住寫字字,佢真心鐘意畫畫,希望第時佢唔好怕左支筆同要寫字字XDDDD    安頓好行李之後,就落樓下TERMINAL商場醫肚啦~ 去左BAAN YING食泰菜,帶住BB去旅行食住都最緊要企利舒服有埋BB椅,呢間好野! 地方夠大夠光猛,木系設計,簡單自然!  服務員見我地有BB,好主動SERVE埋BB餐具(IKEA出品: 有碟,有杯,有叉,有匙羹),呢個舉動其實已經喺媽媽內心加好多分!!   食物方面,其實多款菜式都有微辣,連菠蘿炒飯都加入少少黃薑粉,所以BB選擇唔多,叫左個肉丸豆腐湯。食完飯,去超市兜個圈買些少野上酒店。之後感激嫲嫲同姨婆佢地湊心怡,等我同爸B終於都可以去MASSAGE!!!!!!  肉體上狠不得即刻飛出去,但內心又會出現唔好意思同擔心阿囡會扭媽咪。酒店有直接門口快靚正咁上左去Let’s Relax,好多都FULL左,只有45分鐘的按腳,黎啦!! 幾年無MASSAGE過,加上今日舟車勞頓,按到唔知左腳定右腳已經訓左…. 攪掂完叉晒電去搵番囡囡嚕~  點知佢原來都喺BB車訓左!

房客已設的,酒店房電梯6樓,就可以直接到LET’S RELAX。不過要等耐先有人應門開門。

MASSAGE之前都會先洗腳

LET’S RELAX WELCOME DRINK,冰凍嘅毛巾,好醒神!

按完摩舒服完出黎等著鞋,會有杯熱茶飲。可以按腳得茶,按身會有芒果糯米飯。BTS+搭船出發去ASIATIQUE,BTS好似多數無LIFT搭,所以拖住BB車上上落落樓梯確實唔方便,仲要上落唔止幾級!! 最攪笑係,我地上到月台見上唔班車,等下一班,突然個阿SIR吹口哨,好鬼大聲,嚇到我地跳起身……好驚心怡都嚇鬼醒就真係謝佢啦!!  去到碼頭上船,就知做錯了….  人又多未必人人禮讓,我地又拖住架B車,其實都幾”亞炸”,好逼… 爸B話隻船分分鐘可能超載,太危險,下次貴D都係搭車去好!! 所以回程我地CALL GRAB,真係好方便快好多車,仲要係7人車。

推BB車去泰國搭BTS係力的考驗!!

心怡表示,隻隻馬都有MASK唔鐘意,原來坐左上咁可怕!! 轉得快無得走!!

DAY2 起身心怡習慣要飲支奶先起身,不過飲完奶落去食早餐BUFFET就變左完全玩食物同無耐性扭落地玩啦~  酒店早餐BUFFET好豐富,但要顧住心怡我已經無心情享用。所以DAY 3試下直接帶去食早餐。 食完早餐同心怡去游水水,泳池唔多,好舒服,太耐無游水嘅心怡開頭有D怕,後來氹下氹下就知開始放玩水! 仲大膽到唔想俾爸B拖住, 要自己行開!!  玩完水肚仔餓,即刻整番熱包即食BB字母粉佢食,開頭唔太起口,我估係味道偏淡,同埋個質感較粘口,心怡食開大人野一時接受唔到應該屬於佢嘅BB食物!! 哈!! 但食左2啖之後無問題,仲成包食晒!! 爸B同媽咪知仍夠飽肚即刻安落晒!!  夜晚番酒店,心怡突然學識左講”沙嘩DEE卡”,仲識模仿合埋對手好似拜神咁!! 笑死我地!!! 哈哈哈哈!!  今晚我地約左另一班喺泰國嘅朋友,同心怡臨SAY BYE前,無喊無扭都還好D,喊到面都紅真係十萬個肉赤同內疚,人地話愎慢就會接受到,媽媽都要有自己空間…..  一直都同嫲嫲MSG阿囡個情況,跟住都有影相開心玩開心食飯,安落D。深夜我地接番心怡番房訓,佢攰無醒過。

心怡好鐘意間房,當左自己屋企咁開玩

開心玩水

BB池,心怡企喺度水位到心口

放完電好肚餓,好嫲嫲又未揼完骨,好彩有呢包粉 — 所以稱之為救命即係粉!!

口感如圖示,味道好清淡,好岩BB食,只係心怡鐘意口味重DD。

好高興見到ASOK BTS嘅進步!! 有電梯搭,唔駛托餐飽!! 想用之前要搵職員開門同操控架電梯。

FOOD COURT的餐具消毒機!!

BIG C掃貨去!! 竟然係掃最多BB懶佬鞋!!

DAY 3 心怡醒左見佢對眼明顯水腫,同隻變單單地眼皮,估計應該喊住訓。 原來真係! 嫲嫲話心怡臨訓前搵媽咪,喊左好耐,有成半個鐘!! 啊呀!!!!!!! 好想打巴先己,好心痛,對唔住心怡!!   同時都辛苦難為左老人家,當時個情況應該幾困亂!! 應該都嚇親嫲嫲,嫲嫲最怕見到個孫喊!!  超級內疚!!  今日要開得開心D先得呀!!

小泰妹早早已喺KKDAY BOOK左去SAFARI WORLD動物園,號稱亞洲最大的野生動物園,占地廣達5千公頃的園區,分成2大區域:野生動物園(Safari Park)與 海洋公園(Marine Park)。入面可以食埋BUFFET,但見評價普遍不討好,所以去到搵餐廳食LUNCH。野生部份係要包車先可以入去,包車可以在泰國早1-2天安排,我就搵左香港公司THK預早BOOK車。當日9點架車就喺酒店直接車去動物園~ 到左動物園首先要去票務處嘟番個已買左飛的QR CODE,之後就會睇左園內動物先,因為早上會有幾場不同的表演 (TIME TABLE看下圖)。行完之後就可以上車出園外(其實係圍住動物園外圍,超近距離睇獅子老虎!! 由於天氣太熱喇,心怡對於海豚表演大象表演等唔太有耐性,同埋D音響都幾有氣氛幾大聲,心怡2次都係喊住要走先….最後我地無睇晒所有園內動物,主要去睇重點—長頸鹿!! 沿途都見到有好幾團人參觀,所以一支箭就標左去餵長頸鹿,費事到時人逼人…. 之後先再慢慢兜。LUNCH我地去左間有獅子樣飯嘅餐廳,味道唔錯喎,加上冷氣充足,舒服呀! 抖夠食夠叉左陣電就出發上車睇獅子老虎喇喂!!

廣告
廣告

全日包左車,所以可以去D遠少少嘅地方。CHOCOLATE VILLE 4點先開門,中間有ZIP左1.5小時的FASHION MALL行街,個MALL超級超級大,廁所係電動洗PATPAT的,乾淨企利。重點入面有一間面積好大嘅室內兒童遊樂場,同埋模擬水上市場嘅部份。

夜晚去左沖哥介紹過的”型格漁市場”食日本野! 原來要BOOK位,去到先知,好彩剩番LAST 1張大枱!! 好靚仔呀個格局同裝修,室內全部都係木製高枱高櫈,室外都有十張八張枱,見到都坐滿晒。個調同氣氛唔錯,今餐價錢喺整個行程面叫最高,但其實飲飽食醉為番港紙都係人頭HK$250度,但食到嘅海鮮同格局喺香港唔得啦! 地方無想像中咁大,我開頭以為係間好大嘅超市,揀晒D海鮮蔬菜叫廚房煮。原來基本上都係睇MENU點餐,超市部份只有少量零食,飲品,酒精,少量急凍野。不過都唔係重點,當晚嘅重點係我地竟然有幸同到泰國公主喺同一餐館用膳!! 我地食到半路,突然有大批警察入黎,所有人都好緊張咁,攪左好耐,之後見到一位有2位扶住公主好慢好慢咁行入樓上的私人包廂。即燒的海鮮已一早有警察企喺個爐旁監督住,飲品都有一個專門嘅冰箱2個人帶上去。噢… 非常嚴謹!!

唯一不足的,餐廳無預朋友食咁… 心怡成餐飯只可望住大脾食!
DAY 4 早餐完去游多次水先! 今日帶埋水泡仔,玩得開心又放心啦!! 下午去左ICONSIAM潮下先,係全泰國最新嘅商場。早2日話左唔會再搭船,所以CALL左GRAB,不過去ICONSIAM嘅交通認真麻麻。司機話開幕當天佢車住客人,同商場只有近200米距離,塞左超過1個鐘車!! 見到其實仲起緊架空橋,商場門口有3幾個警察不停指揮交通,人肉紅綠燈…. 交通非常混亂同沙塵滾滾! 講番商場入面,的確好大好新好多鋪頭,設計感十足!! 如果行埋名店,真係要分開2日先行得晒!! 不過我地都係黎潮下聖,去地下層的模仿傳統水市場醫肚,同埋去兒童部放下電。
話時話,泰國好似唔興有育嬰室/換片室! 幾日黎唔覺有呢D設施。我地只可以推車去童廁旁企喺度換片!!

商場外的環境

設計感一流!! 如畏高的真係會驚驚!

商場有男廁、女廁,仲有兒童廁!! 好靚呀!! 唔急都要黎參觀下!!! 題外話,泰國似唔興有育嬰室/換片室! 我地只可以推車去童廁旁企喺度換片!!

唔駛企高洗到手,好正呀!! XDDD

大鄉里覺得好特別~ 女廁的洗手盆!

兒童部有幾個位置免費俾小朋友畫畫

晚餐中左伏,安排行程時見到網文話活海鮮BBQ CP值好高的WATERFORNT MUKATA食大頭蝦! 網上的圖片不多,見到有遠景同一張近鏡。成人269泰銖,不限時間,CP值高,應該不差吧! 去到門口見到其實好簡陋,直程喺碼頭隔離,入到去似大排檔,D不鏽綱長枱排到好密,衛生情況麻麻地 (因為有BB一齊食要注意下),好忙咁用消毒紙巾抹周圍,雖然被安排到河旁,等日落時呃LIKE一流!! 但爸B出去望過下D食物同海鮮,番埋黎二話不說就叫我地轉地方。最後都係番去酒店商場食。呢件事佢哦左我幾日…. 話點解會揀到呢間食!!

DAY 5 最後一日,嫲嫲佢地最後衝刺MASSAGE同掃貨。我地就輕輕鬆HEA行T21。當年我地未人仔前,去親旅都好瀟灑去呢度買去嗰度食,依家多左個王心怡去旅行就完全唔係嗰回事嚕。雖然係少左8成時間血拼同去邊度都要諗埋岩唔岩BB,但個心充實左,簡單輕鬆HEA行都好滿足同開心!!

回程上機時,有過台灣陰影,所以盡量都俾心怡跑下行下,放晒D電先! 點知佢全程3個鐘都無訓過,睇下電影玩下樣玩下嗰樣硬係唔訓!! 佢唔喊唔嘈無影響到其他人其實都OK的!! 點知LAND左香港等開機門前,佢終於頂唔順突然爆炸喊!! 喊到好尷尬!! 一路行去拎行李嗰段路都扭喊,旁人眼望望,我鬧佢都無用,扭眼訓係最惡攪,佢係合埋眼爆喊。忍無可忍氹無可氹唯有等佢喊到攰自己收聲。最後喊攰左之後唔駛2分鐘已經熟睡左!!!!!!! 係尷尬D,不過好彩到左香港落地先咁,如果喺機艙入面爆炸,我怕我都忍住爆炸!! 下次回程唔可以喺佢訓覺時間附近,可能要提早到6點前到港,頂多都係肚餓,肚餓有野食都可以收聲….(幻想中)

==============================

Text & Photos:Mimi JW

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到:[email protected] 我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook