【暴露年齡系列媽媽嘅童年回憶】

By 媽媽魚魚 on 24 Dec 2018

係一個90後童心未泯嘅全職媽媽，好樂意分享哺乳經，媽媽經同埋育兒心得。 2016年嘅Boxing Day （26/12）係「蝦米妹」嘅破蛋日 2018年嘅母親節前夕（12/05）我又收到另一份禮物-「蟹籽仔」魚魚媽媽最鐘意周圍吃喝玩樂，揾唔同嘅美食；揾唔同嘅埸地比2個小朋友挽，尤其係啲親子活動好去處。魚魚媽媽都好鐘意影相記錄2隻小馬騮嘅一舉一動記錄佢哋每一個笑容，每一個成長，每一個嘅第一次。魚魚媽媽亦好鐘意煮野食，為2隻小魔怪一手包辦3餐，望住佢哋滿足嘅樣1日煮10餐都唔係問題。

無記性無耳性口多多，何時才能期望一一改過，有了過錯我再試過，可不可，爸爸媽媽，從前亦也犯錯多～

大家記唔記得依首係咩歌丫？

原來茶木同櫻桃小丸子合作推出咗【茶木 x 小丸子探險記】

魚魚媽媽就帶咗2隻小魔怪去咗旺角瓊華嘅主題店

旺角瓊華店係以花輪蜜蜂王子為題，班上同學變身為得意昆蟲。蝦米妹見到小丸子同一班同學陪佢預早慶祝生日開心到不得了，不停話要影相。

一入到去童年嘅回憶就翻哂嚟，可以睇到成間餐廳都揾到同學仔嘅蹤影，一啲都唔馬虎。

無論係餐牌，埸景，佈景板，背景音樂，甜品都好有心思。

成個埸都有打卡位

環境又舒服，岩哂姊妹淘上去坐下，傾下心事（歌仔都有得唱啦小丸子又有心事呆望雨小丸子的腦袋中央諸多鬼主意）

魚魚媽媽去親茶本必點嘅牛肉麵同溏心蛋肉燥飯，今次魚魚媽就嗌咗溏心蛋肉燥飯，茶木嘅溏心蛋唔會過熟或者過老

蝦米妹就比個士多啤梨蜜糖磚塊吸引咗，咁魚魚媽就嗌咗個比佢當係佢同契媽預早慶祝生日啦⋯⋯

擺盤超靚，望住士多啤梨慢慢咁流落嚟，好似藝術品咁

每一啖包都有蜜糖包住，好幸福嘅感覺，配埋士多啤梨甜甜地帶少少酸嘅味道，真係令人垂涎三尺，再加埋微熱又鬆鬆脆脆嘅多士，配上凍冰冰嘅雪糕，口感好特別

魚魚媽媽唔係一個芒果綠茶控所以就冇試到首次係茶木登場嘅綠茶心太軟，用上三款產自日本和台灣的綠茶葉磨粉調製，再配上脆身鬆化的芒果拿破崙、綠茶雪糕和水果。

茶木3間分店9月26日起將會配合每個探險主題，化身為有不同故事的小丸子主題餐廳，小丸子迷不要錯過！

此外，茶木全線將陸續發售一系列限量主題精品，憑堂食消費更可於三大主題分店獨家獲得限定免費精品。

即日起至2019年3月25日，茶木更破天荒推出AR虛擬實境【#小丸子去哪兒】，領先全球首次將小丸子以3D形式帶到食客手機上，4款1:1小丸子角色，包括「小丸子精靈」、「爺爺精靈」、「花輪蜜蜂王子」和「野口企鵝」分別會以4種不同造型出現在茶木銅鑼灣世貿、旺角瓊華及九龍灣MegaBox三間分店及附近，一共16款造型供粉絲在【#小丸子去哪兒】虛擬實境頁面中捕獲合照。