【做人媽媽太敏感？聽到BB唔要媽媽即心碎】

唔知係唔係真係荷爾蒙影響，我覺得做咗媽媽之後好似好神經質，好容易喊、對負面嘅嘢意見好敏感、甚至如果問起BB鍾唔鍾意媽媽，如果佢答「NO！」當刻真係心都碎，真係會不斷追問BB：「下！點解呀，媽媽喎，你唔鍾意媽媽？」跟住如果BB都堅持話唔鍾意，就會開始扮喊，希望佢會錫返你，跟住就會覺得佢岩岩講唔鐘意都係玩嘅遮，佢都關心我嘅⋯⋯⋯⋯

因為我係家中主要經濟支柱，咁變尚薯蛋婆婆比多時間同薯蛋一齊，同埋婆婆又好少鬧薯蛋，薯蛋都好鍾意婆婆，其實見到佢哋感情咁好，我都好開心，因為覺得自己媽媽多一個人錫，薯蛋又好似好咁，但問題就黎啦⋯⋯因係薯蛋開始跩，開始要教，同要小小打屁股，有次我鬧佢嘅時候，佢竟然走去婆婆到，跟住話「唔要媽媽」嘩！我個刻真係喊左幾眼淚，覺得我放工返黎已經好辛苦，點解你又唔聽話，跟住仲要話唔要媽媽，薯蛋婆婆好似見到我有點唔開心，所以即刻話：「薯蛋曳曳，錫返媽咪。」雖然嗰陣冇咁唔開心，但係都覺得係唔係因為自己陪唔夠少打雖然嗰陣冇咁唔開心，但係都覺得係唔係因為自己陪唔夠薯蛋，我哋之間嘅關係開始疏離？

其實薯蛋依家想瞓覺，或者有少少病就會搵婆婆，唔會搵媽咪，一開始我媽咪會話：「我幫手湊啦，你要返工」我就會覺得「好啦咁」跟住如果冇咩事，自己休息，但其實原來久而久之薯蛋就唔依賴我，母兼父職原來係咁啦，因為始終母性都希望俾人倚賴。

其實薯蛋婆婆可能都發覺到我有啲唔開心，所以之後就同我講「小朋友邊個湊就跟邊個架啦，不過，阿媽始終係阿媽，10月懷胎都會記得你氣味，所以到最後都會最愛你」

跟住我又好似又比媽咪氹到，醒起以前都唔係媽咪湊大，但我都好愛我媽媽！

哈哈，真係易氹，跟住薯蛋又請我食餅餅，又開心返，其實都唔知係仔仔氹我定我氹仔仔啦！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：薯蛋媽媽

Photos：Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！