download MamiDaily 親子日常 app
【開刀生仔不比順產輕鬆 睇人分享生產已經頭暈又眼花】

【開刀生仔不比順產輕鬆 睇人分享生產已經頭暈又眼花】

爸媽分享 家庭關係
By 購物狂媽媽 on 18 Dec 2018

有人覺得開刀嘅媽媽無順產嘅媽媽禁痛同辛苦?都可以話係!都可以話唔係嘅~


對於我呢個又怕痛又怕血嘅人來講,由陀b開始已經驚到生個一日(因為第一胎係政府生,根本無得揀生產方法)
我相信大部分媽媽有左後,都會上bk討論區,而我當然係其中一位啦!自己唔太了解生仔過程,未走去睇人生仔過程分享,睇到一半,覺得自己頭暈暈同眼花。
無錯!我岩岩陀左2,3個月咋,睇到字已經淆哂底,我知道自己順產一定頂唔順架!
不過都唔知話好彩定唔好彩因為胎盤前置。所以開刀會比順產安全?個一刻醫生比我開刀,我心情幾禁興奮?

15451489794652sc

就係咁...我人生就做左第一次手術,當你訓係手術室時,因為半身麻醉,其實個人真係好多嘢諗
到係床上,先發現原來都好驚。

生完麻醉藥嘅副作用令到我個人好凍震哂,第2日落床先發覺原來做手術後真係好痛!
就算食左止痛藥都好痛,仲要每日行去餵奶。
由於餵奶次數密,我直頭唔訓上床,寧願半I住張床休息,希望避免上床落床嘅傷口痛,到左生完半個月,試過覺得傷口好痛,又有灼熱感覺,好怕係傷口爆左。

到生第2胎,今次去左浸會生,揾左一個好好手勢嘅醫生幫我接生,生完,我落床唔太痛,第2日已經可以行到見步如飛。但係...到半夜,突然半邊身,特別膊頭好痛,痛到call我去餵奶,我都行唔到去,我一直都好堅持全人奶,幾攰都會行去餵。

廣告
廣告

可惜,半邊身嘅痛比起我傷口更難受,我自己係到喊!後來原來可以姑娘推我去餵奶⋯⋯第2日問醫生,原來係手術後有機會神經反射痛,所以其實所有嘅母親都一樣咁偉大架!

==============================

Text & PhotosKayi

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道