【秋冬滋潤屋企人！教你煲蘋果梨茶＆三棗茶】

天氣又開始轉涼啦，為左保持身體健康，係時候要煲返啲滋潤既飲品俾屋企人飲下。
今次就一於整蘋果梨茶同三棗茶啦！做法簡單，真係岩晒生活忙碌既都市人。

#蘋果梨茶

材料:
蘋果 3個
南北杏 適量
雪梨 2個
蜜棗 1粒

製法:
1.） 先將蘋果、梨洗淨，切開及去除果芯。
2.） 將蜜棗及南北杏洗淨備用。
3.） 將水煲滾，再放入所有材料。
4.） 先用猛火煲約半小時, 轉慢火煲最少一個半小時即可。

功效:
蘋果： 補心益氣，止渴生津，健脾止瀉
梨： 能清潤止咳 （水晶梨、貢梨及鴨咀皆可，特別以鴨咀梨功效最好）
南北杏： 止咳下氣，潤燥消積
蜜棗： 潤肺止咳

＊媽媽們可以隨意加入其他配料，煲成以下幾款糖水或湯水！＊

#蘋果梨雪耳湯
雪耳 半朵
陳皮 1/4個
豬? 1塊

#蘋果海底椰湯
海底椰 3-4個

#蘋果梨無花果湯
無花果 5-6粒
豬? 1塊

除以上幾款之外，媽媽仲可以想一想有沒有其他材料可以配搭在一起！

#三棗茶

材料：
南棗 3粒
紅棗 6粒
蜜棗 1粒
(可因應個人喜好而加減三棗份量)

做法：
1.）預先洗淨3棗
2.）剪開紅棗及南棗，除去棗核
3.） 將水煲滾，再放入所有材料。
4.） 用猛火煲約半小時再稍焗一會即可。

小提示：
南棗本身較為硬身，可以於煲滾後用匙羹壓一壓，以便更出味。

功效：
三棗有補血、養肝、氣管抗敏之功效，適合大人及小孩飲用。特別適合女性經期後飲用，以及經常挨夜人仕飲用。而且棗類都有抗過敏作用，適合不同體質既小朋友飲用，補得來不會太燥。

小JM超鍾意一路睇電視一路飲！

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！