相信聖誕老人存在寫信畀聖誕老人希望幫哥哥換腎

By race.cheng on 10 Dec 2018

美國北卡羅萊納州有間百貨公司設有聖誕郵筒，大家可以將自己想同聖誕老人講嘅嘢填喺表格上，寫畀聖誕老人。

百貨公司經理喺整理信件時發現，有封信貼在喺表格上，內容寫住：「親愛的聖誕老人：有啲人可能唔相信你，但係我相信。我最想要嘅聖誕節禮物係我哥哥可以接受腎臟移植手術，請你完成我嘅心願！」

百貨公司希望可以幫到Kaitlyn實現願望，所以將小妹妹依封信發佈喺社交網站。到目前為止，依封信已經分享近900次，一啲好心人更指願意接受移植測試。商店經理指，宜家只知道小妹妹叫Kaitlyn，公司希望可以同Kaitlyn屋企人聯絡，支持Kaitlyn全家，令佢哋知道有人關心。

腎臟係身體嘅天然過濾器，當腎臟唔可以正常運作時，多餘嘅廢物會喺體內積聚，導致大腦發育受影響。據美國腎臟基金會估計，每6萬5名美國兒童就有1位患有腎功能衰竭，嚴重影響兒童骨骼強度同成長。百貨公司亦決心幫助Kaitlyn，希望成功幫小妹妹嘅哥哥揾到合適嘅腎臟，宜家最希望可以聯絡到Kaitlyn一家，有網民留言亦話，如果成功揾到Kaitlyn後，可以接受移植測試。