【加固用具大比拼calibowl VS dodo papa 保溫碗】

自從上次我唔見左calibowl個蓋之後我就轉左做dodo papa既用家..好多媽咪見到我用呢個碗都覺得好新奇，因為比起calibowl呢個每個媽咪都應該識既牌子，dodo papa呢個牌子相對比較無咁出名

經常有媽咪拎佢兩個黎問我邊個好。所以我今次決定做一個比較比大家睇，大家就可以自己去揀適合自己咖啦????

首先講calibowl先啦，佢有兩隻款既，一隻係細啲無蓋，一隻係大啲有蓋既，我今日會講大啲有蓋個隻????????‍♀️

Calibowl個設計係一體成形，所以清洗好方便，用既時候只需要用少少力禁住隻碗係枱面幾秒就會吸實左咖啦，我最欣賞既係佢專利既碗邊向內弧既設計，因為BB岩岩學用餐具既時候仲未好識好好控制力度，所以用易一係個碗邊順住一「不」....蕉～～～啲食物就會飛哂出去，但如果用佢呢隻碗呢啲野食就仲會好安全咁留番係個碗到無咁易飛出去，亦都相對好「不」啲。佢個蓋係可以蓋實既，通常僑蛋食完飯留低污糟既餐具我就可以直接扔哂入個碗到，關蓋，走得，乾淨又慳番個袋。

Dodo papa有出3款碗，包括八月碗，出去碗同保溫碗，不得不說我真係好欣賞佢八月碗同出去碗既設計，但係因為我認識呢個品牌既時候僑蛋早已經過左用呢兩款碗既時期，大家有興趣既可以自己上網再了解下，今日同大家介紹既係佢既保暖碗。

保溫碗係由唔同既配件組成，包括吸盤墊，碗，不銹鋼內膽，手柄圈，蓋。

只要輕輕放吸盤墊係枱面，再放上碗就會吸實左，所以可以兩用，想佢吸實又得，變普通無吸盤既碗又得,我就覺得佢吸得實過Calibowl。講明保溫碗佢係有保溫功效，有時BB食野太慢食到啲野凍哂都未食完，點算好？只要係碗中注入熱水，就可以有保暖功能，咁就唔怕啲野食凍哂啦！相反地如果啲野食太熱點算呀？BB餓到喊哂啦播？呢個時間加入凍水就可以快速幫食物降溫。不過佢個蓋呢只係放上個碗到。係吸唔實咖！所以呢放唔到野落去就咁帶走，無咁方便。佢個雙耳手抦設計可以方便BB飲湯個陣揸住飲，但係就係要扭到最緊，如果唔係BB就會當軚盤咁轉，轉轉下甩左出黎就會分體咖啦！

比較：

防飛野食：Calibowl勝

吸力好：Dodo papa勝

個蓋用處大：Calibowl勝

輕身：Calibowl勝

易清潔：Calibowl勝

保溫效果：Dodo papa勝

多功能：Dodo papa勝

總括黎講其實兩個碗都真係各有優點，大家揀之前不彷考慮下自己到底係想要啲咩功能先啦。