【以為關節痛好小事？可能係類風濕關節炎！】

上次同大家講過紅斑狼瘡症，絕對唔可以忽視。今次同大家講另一種女性同樣不可忽視嘅病－類風濕關節炎。保險角度中，嚴重程度可比癌症。

好多人都以為關節痛好小事，認為只係勞損，好多時都唔理佢、由得佢，希望會自然好返。其實關節痛有可能係類風濕關節炎嘅症狀，如果一直唔理佢，有可能會令關節變型，腐蝕肌肉等，嚴重影響日常生活。而呢個病亦唔算係老人病，壯年期（20至40歲）嘅發病率好高，女性發病機會比男性高3－5倍，所以大家（由其女性）千萬唔好掉以輕心。

類風濕關節炎與免疫系統失調有關，患者因本身免疫系統出現問題，免疫細胞過度活躍而自我攻打，導致正常關節、肌肉、皮膚或血管發炎。嚴重的話，除左影響關節，亦會影響身體其他器官，例如眼、皮膚、胸膜、心包膜和血管等。一般症狀係關節發炎、疼痛、紅腫，更有可能導致關節變形、傷殘，大大影響日常生活。

類風濕性關節炎雖可透過藥物及手術等方法醫治，但保險角度來講，類風濕性關節炎與癌症、心臟病等同為嚴重危疾。由於患者嚴重起來會不斷感到病楚，難以工作，甚至影響日常生活，不能照顧自己。無論生理及心理上難以適應，所以有如患上癌症般嚴重。

大家可以注意以下幾點，預防勝於治療。建議大家多進行戶外運動，出多啲汗，幫助排出體內多餘嘅酸性物質，預防關節炎嘅發生。同時亦要控制飲食，避免攝取過量酸性物質，如甜品、蛋黃、碳酸飲料，少食肉類，多吃蔬菜。仲要保持良好心情，唔好有過大心理壓力。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：理財公主病

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！