【生完未上奶 大家都太緊張小朋友】

相信好多人同我一樣間中都會厭棄一下身邊個嗰嘅，大家都係太緊張小朋友啫！

好記得小b出世頭幾2日係醫院老公嚟探我都只係望下小b就走，但因為住威記，如果你講咗餵人奶醫院就唔會比你補奶水架啦，無論你點跪點求都唔會有，因為佢要你上奶，但因為小b有蠶豆症，所以佢比一般正常bb易黃同難退黃，而退黃嘅方法就只有一個就係飲多d奶痾多d尿同屎將佢哋排出嚟！

就係因為未上奶小b無嘢食，只得小量黃金初乳，99就由朝話到黑，話我點解堅持要餵人奶，由得個仔餓死，話佢全日先啜得個少少奶幾時先退到黃，日鵝夜鵝，幾難聽嘅說話都聽過晒，搞到我係醫院日日都喊，仲因爲一d事喊到忍唔到同屋企人說苦，但老公竟然暗地做咗好多嘢保護我，包括鬧返佢媽媽（幾乎反面，不過後來我做說客令佢哋和好返，其實大家都係為bb好，不過說話可以修飾下），同埋支持我的母乳行為，因為有佢嘅支持我捱過咗係醫院好黑暗嘅日子！

捱過咗係新生嬰兒病房小b要照燈每日要出入醫院同做泵媽嘅時期！

捱過咗第一個比自己嘅母乳目標：6個月仲斷埋泵

捱過埋第二個目標：1歲全埋身

之後目標係歲半/自然離乳希望都一樣能捱得過啦！

多謝你的支持～老公我愛你❤️

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：ShanShan

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！