笑唔停口嘅BB其實係笑緊咩？ 研究：回報親近嘅大人

爸爸媽媽有冇發現，有時想氹BB笑，BB未必怕笑；但有時一啲不經意嘅事，如：爸爸媽媽打乞嚏、慘叫、跌咗嘢落地下⋯⋯BB就會笑到咔咔聲，有時都會好好奇，究竟係咩令到BB發笑呢？

倫敦大學發育心理學家加斯帕‧阿迪曼對BB發笑嘅原因非常感興趣，於是就用4年時間調查全球幾千個家庭。

佢發現BB會用笑去回報佢哋所親近嘅大人：如佢哋學識一個新技能、急不及待想展示畀大人睇；喺大人幫助下完成咗想做嘅事，感謝大人嘅幫忙；鼓勵大人繼續做某件事⋯⋯BB會喺頭兩年邊笑邊學到重要技能。

而最能令BB大笑嘅係大人嘅撫觸，如搔癢、幫BB沖涼等，其次就係同BB一齊玩躲貓貓遊戲。當BB喺好細個嘅時候，對時間冇任何概念，所以幫爸爸媽媽唔見咗，一下子又出現返嘅時候，都會令BB感到好驚喜，慢慢佢哋就會開始期待「你再返嚟」嘅一刻。

有趣嘅玩具亦會令BB感到愉悅，例如有音樂嘅玩具，會令BB感到輕鬆而笑；當成功啟動玩具某啲機關，BB亦會自豪咁笑；當BB發現鏡中人做出同自己一模一樣嘅動作，會開心大笑！

Text: Mami Editorial