【N班面試競爭高峰期 媽媽interview後有感！】

以前既我根本唔知11月係N班同K既面試高峰期！

由於我暫時只係幫蠔豉妹妹報左2間N班，所以都唔算忙~

上星期就係面試既日子，老公同我因爲都唔知interview係點，所以就請左假，一家三口去lu~

之前聽媽媽gp講會分group同individual interview~

會問下小朋友問題又會問下家長咁~

仲會叫小朋友玩下手抓板、切水果玩具~

不過因為我同老公都無非常心儀某一間幼稚園，所以我地都係平常心就算~

到interview嗰日，我地就一家三口出發~ in既過程都幾快~

1. 填表

- 平日邊個負責照顧

- 可否獨立進食

- 點解要揀呢間幼稚園

2. 玩玩具

- 係大人填表既同時，小朋友就玩下玩具~

係一個串串珠玩具，如下圖:

(photo from internet)

3. Group interview

- 一位家長同小朋友入課室

- 食餅、用迷你紙杯飲水

蠔豉妹妹一黎就整跌左啲餅落枱~之後老師好快手就俾過2塊新既，但其實佢一塊都唔想食，所以就餵我食晒2塊 :p 至於杯水，就緊係都無飲過，又係媽媽代飲...

- 掉垃圾

本身蠔豉妹妹都怕陌生地方，所以一開始都係攬到我實，不過好彩我話同佢一人掉一樣佢就ok~

- 老師唱歌，邀請小朋友一齊跳舞

個個小朋友都自己出去跳，蠔豉又係攬到我實，我就緊係陪佢一齊出去，佢坐係我大脾un~

之後就走得lu~老師每人送左一個玩具~

原來係無individual interview~我都明既，有成幾百個學生，邊有咁多時間~

可能我地一直都無覺得N班係非讀不可，所以都無強求要蠔豉妹妹去練習一啲interview有機會考既野。

不過，經過呢次面試，我發現，就算你自己本身無比較既心態，但入到去group interview時，我自己都忍唔住心諗點解人地小朋友咁叻？

蠔豉好似乜都唔識咁...

例如: 點解佢識拎住個軟身既紙杯飲水！蠔豉就...

點解人地小朋友乖乖坐係櫈，蠔豉又要我抱到實一實？

好彩既係，in完後我即刻同我老公自我檢討一下，其實係我唔啱，點解要將蠔豉同其他小朋友比？

其他小朋友可以乖乖坐低係佢地叻~但唔代表蠔豉唔自己坐就有問題~

其他小朋友識用紙杯飲水係佢地叻~係媽媽我從來無比機會蠔豉去用一個無杯蓋既杯佢飲水~

其他小朋友可以係陌生環境唔扭抱係佢地獨立~蠔豉痴身要抱又有咩所謂？

每個人都有自己既長處、短處，每個人都獨一無二。

考試第一名永遠只有一個，考第二到最尾一名既唔代表佢地失敗。

與其同其他人比，不如同自己比，今日比琴日進步已經好好~

競爭、比較係無可避免，但輸贏真係唔需要放得太大~

小朋友既思想係由大人去灌輸，所以各位家長都要放鬆一啲~

N班既結果宜家仲未知，如果學校有俾offer當然開心，但學校reject都只係代表學校同小朋友唔適合，並唔係小朋友叻或蠢既問題~

其實，一個一歲多少少既小朋友，你expect佢要點？

唔好俾太多check list / time schedule去迫小朋友必須於特定時間完成，人生有太多因素影響，大人返工寫既check list都未必可以100%完成，係咪？

未完成到既，大人、小朋友一齊努力！加油~

====================================

Text & Photos : Pig Wing

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！