【坐月日記全紀錄 豐盛月子餐小分享】

本來打算好好紀錄坐月時的每一餐比大家參考，不過生完真係更加無記性，第一晚已經唔記得影，又或者有時開飯撞正細福要飲奶，到我食得時已經係食剩餸咁既樣。

因為人奶+補奶粉+掃風+換片，起碼一個鐘以上！
所以晚餐都會叫老公同大福唔好等我。

以下為出院的第一星期，
午+晚本應有total 14餐，但只是影到咁多
1st week 仲未食得蛋同牛，亦唔可以太補
雞就一定要買無激素既新鮮雞
仲有每一餐都有湯㗎！
不過有時怕太飽，分開飯前/後一小時飲，所以唔係餐餐都影到有湯。

未計陪月人工，一星期的買餸錢已經接近我平日一個月的個人飲食洗費！！
不過坐月坐得好真係好重要！
就算最近開支爆炸+無收入，都唔敢慳呢D錢
(生完大福我覺得我身體好似好咗！決定生多個亦好快成功懷孕)

另外，由做完手術到依家都係用炒米茶代替清水，
沖涼就用艾草薑皮煲水，
開刀後第十日，再加埋香芧煲，終於有得洗頭喇～
簡直係成個人重新一樣～～

P.S.早餐我要食返最愛的麵包餅乾！唔係我會發癲～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Yancomic

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！