【爸爸有話兒之我的11日侍產假】

「侍產假一日都唔應該有」呢句說話聽完之後，西瓜爸同我係好又無奈又嬲，點解會覺得唔需要？所以我問下仲係新手既西瓜爸爸‍，佢係我有左開始，已經同公司申請唒大假同侍產假，最後係放左11日但西瓜妹逾期2日，實際幫手係得8日。

-你贊唔贊成侍產假增加至5日？
西瓜爸：當然贊成，最好增至14日！因為根本唔夠時間用。

-係你個11日你有咩做？
西瓜爸：要學識凑bb、拎出世紙、去健康院、洗奶樽洗泵、照顧太太同要比人鬧(我個11日 日日都鬧佢)

-你覺得你辛苦d定老婆辛苦d？
西瓜爸：唔好玩啦！緊係你辛苦d，又要介口又唔夠訓又要泵奶。

-你呢11日覺得最辛苦係咩？
西瓜爸：唔夠訓，又辛苦，唔知個女做咩喊，同埋比老婆鬧！

-根據你呢11日經驗，有咩可以要新手爸爸做
西瓜爸：最重要自己放鬆心情、eq要高、好好控制自己情緒，好好體諒太太，好好留意住bb既一舉一動。其實慢慢一步一步咁去學，唔會學唔識！

-

雖然佢每日番工好攰，但唔敢番黎同我呻，因為佢知道我都好攰，通常我問佢先會講。
以前同佢食飯，佢係手機不離手，講極都唔聽同埋會亂洗錢，但個女出世後，自動自覺唔玩電話同無再亂用錢，一切以個女為中心。
係呢11日，佢都有幾樣做得好就係餵奶換片掃風洗奶樽當自己企後一步睇，其實你已經好叻，起碼唔係豬隊友️！

睇番相就好懷念大肚個陣

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：西瓜媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！