【bb出世紙護照會係點？分工合作流程要做好】

係今個月9號，終於帶個女去拎出世紙️其實名一早改好，只不過西瓜爸爸想有少少紀念，係佢生日正日去當生日禮物。

-出世紙

跟阿媽教落，去門口見到d姐姐，我就同老公分頭行事，我就去影證件相，老公就落去拎籌號。去到影相個到，佢就幫我抱女，帶條粉色圍巾，然後一個沙錘哄佢，一個影然後即時入電腦，p走抱住佢而入鏡既手無記錯大概$100@8左右️另一邊老公坽籌個到，有得揀要幾多張出世紙 一張$140，我就要整2張，慎防自己唔見。

由於9月要帶西瓜妹番泰國所以整埋。個日去到已經2:30 為左爭取時間，我係樓下等拎出世紙，老公就上去拎籌整，整個等候時間大約20分鐘，咁整護照需要小朋友身份證，而個日會一次整埋，最重要！除左父母身分證同bb身份證之外，仲要多一個副署人(父母以外既朋友家人都可以)，如果無人陪你去 ，記得拎份表番去叫屋企人幫你簽名同影印身份證比你️整個陣，個個人叫我老公落黎叫我同bb都上去比佢望一望，好快30分鐘搞掂是日任務完成！

*護照證件相一定要白色背景

-
話說個日係我坐月後第一次帶西瓜妹出遠門第一次使用育嬰室我天與地都感受過 。。

首先係出生登記處好空蕩蕩既感覺，一舊大雲石枱，好彩自己有帶大毛巾鋪住用，個哺乳室仲得人驚，4張橙櫈圍住，我好彩自己有帶奶。

第二就係海運大廈既育嬰室雖然要等，但設備一應俱全

個日出去仲去左一間網上我自己有買開bb既鋪頭買我既必需品，買多套泵既工具同餵奶巾同儲奶蓋 埋單超平$200都唔洗(神奇事情發生左 買完條巾 西瓜竟然埋到身 仲好順利)

之前上網訂個條 做左蚊帳 好靚~~~~~

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：西瓜媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！