【BB生玫瑰疹 爸爸媽媽見到都肉赤】

【BB生玫瑰疹 爸爸媽媽見到都肉赤】

爸媽分享 mami熱話

兩個健健康康,孖媽就最開心,玫瑰花就收過haha !玫瑰疹,Rose Chan?咩嚟架?呢樣係孖媽未有小朋友時第一次聽嘅感想。當年,Babies G嘅大表哥出玫瑰疹,我先知原來有樣咁既野,哈哈。

啱啱7月尾妹妹發燒唔舒服,睇醫生驗到係尿道炎,食咗差唔多2星期抗生素先好番,唔舒服又唔肯食,每日食唔夠6安,瘦晒,好彩好番後加固順利咗。啱啱上星期,孖媽如常朝早起身泵奶,預備出門口返工,妹妹醒咗,諗住抱下佢,一抱上手!大鑊!瀨嘢啦!勁熱勁滾!即刻探熱….紅色燈呀!!!發燒呀!!!!拿拿聲叫醒老公,餵退燒藥抹身…

因為朝早婆婆有嘢做,唯有觀察住妹妹…下午先去睇醫生!孖媽最怕又尿道炎…不過今次好彩妹妹好精神,肯玩肯食,退咗燒…但睇開嘅醫生下午有突發事,要6點後先應診。

諗返上次睇醫生係診所用試紙驗尿道炎,又上網搵下…原來試紙主要驗:
Nitrite(亞硝酸鹽)

常見的尿道感染細菌都會將硝酸鹽還原成亞硝酸鹽,因此當尿中亞硝酸鹽測試陽性時,即可快速間接測知尿中具有相當數量的細菌存在。

廣告
廣告

Leukocytes(白血球): 針對嗜中性球上的脂脢反應,可以檢測尿道發炎、子宮畜膿、膀胱炎、囊腫性腎炎、腎小管損傷引起腎炎、藥物引起的腎炎、泌尿道結石等等。 見妹妹退左燒,就打算再觀察下,今日唔睇醫生住…到夜晚都keep住微燒,食多次退燒藥訓….
都有都估好大機會係玫瑰疹…唯有俾佢飲多D水,抹身,貼退熱貼。 第4日下午妹妹身上終於都出紅點,見到Rose Chan啦….
第5日紅疹最明顯,集中肚仔同背部最多
第7日退晒lu~~~ 見到出左疹後,孖媽都放心左少少…
扭計抱抱,當時孖媽返緊工收到老公呢張相真係好肉赤~ 玫瑰疹都係要出左先知…所以孖媽自己覺得唔睇醫生都OK! 當然如果有懷疑就要盡快去睇醫生啦! 「玫瑰疹常見於5歲以下孩童,一般而言,染上玫瑰疹的寶寶會出現發燒、喉嚨紅腫、心情煩躁的徵狀,也有可能出現輕微肚瀉;至病發第3至5天,患者身上始出現玫瑰紅色的疹子,由身體中央位置延散至四肢。當紅疹出現,便會開始退燒,這是玫瑰疹最大的特色。紅疹長出後,大約3日便會開始退散,當紅疹完全消散,即算痊癒。」

==============================

Text & Photos:龍鳳Babies G & 孖媽Gloria

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook