每個BB都有一樣嘢係難到爸媽嘅，就好似係要黎考驗爸爸媽媽咁。

照顧BB唔容易，如果要照顧一個難攪嘅BB就更加唔容易。但大家有無發覺，世事係好公平嘅，每個BB都為爸媽帶黎一個難攪嘅項目，人人有獎，永不落空㗎。

1. 難瞓著又易醒

有啲BB，就係好難瞓著，又好易醒。相信爸爸媽媽都好怕呢種BB，真係連熄燈制嘅聲都會嘈醒左佢地㗎。

2. 濕疹

BB有濕疹，皮膚痕，覺得唔舒服，而且?損嘅話會有傷口。爸媽見到BB啲皮膚，又紅又腫，甚至抓到有傷口，心痛得想代替BB有濕疹呀。

3. 便便唔暢順

相信每個爸媽，都會試過因為BB成功便便而覺得好開心。如果BB多過兩日無便便，爸媽就會開始有啲擔心。因為BB嘅便便，可以反影佢地嘅健康狀況，所以成日幾日都無便便嘅BB，會令爸媽好苦惱。

4. 唔鍾意食嘢

每個人嘅食量都唔同，所以每個BB嘅食量同埋食欲都唔一樣，係好正常嘅。不過，面對唔鍾意食嘢嘅BB，爸媽唔忍心由得佢，唯有想盡辦法，希望BB食多啲。

5. 經常喊

有啲BB，瞓醒就喊住搵爸媽，肚餓會喊，飽飽之後，有可能消化系統唔舒服，又可能因為想黐實爸爸媽媽，一唔抱佢就喊喊。佢地可能比較敏感，好容易覺得唔舒服，或者不安，所以，成日喊。呢種BB，要比好多好多耐性同愛心去照顧，比長啲時間佢地，慢慢適應周圍嘅新環境。

上面5個難題，你嘅BB中左邊項呀？ 

Text: Mami Editorial