download MamiDaily 親子日常 app
【全職媽媽放大假 去東京扮靚靚】

【全職媽媽放大假 去東京扮靚靚】

親子好去處 爸媽分享
By Jasmine & Mama on 16 Sep 2018
80後半全職懶媽，最愛懶人包及懶人恩物；修讀工商管理及化妝；曾是平面廣告模特兒，調酒師，秘書及小老闆。生B後加入slash族，經營多重身份：網絡營銷/市場推廣/Blogger/全職帶娃。 喜歡食、玩、買、旅遊、運動如滑雪，羽毛球，籃球；朋友眼中的里數達人、用最相宜方法換取飛行里數；超級愛美之人，美容時尚都喜愛。 透過此生活日誌分享Jasmine的成長紀錄、育兒心得、親子節目、旅遊及購物分享。 FB專頁：Jasmine & Mama | Instagram；kathryn.jasmine | 聯絡電郵：[email protected]

每次去日本都好想著和服/浴衣影靚相，不過每次都因為行程緊密冇時間，所以今次同妹妹同遊東京，第一個安排既節目就係著浴衣。

我地今次去東京，第一個安排既節目就係去淺草著浴衣喇。出發前我地先上KKday預約 (KKday同Klook都有浴衣體驗預約，仲有唔同既local tour，自遊行既話可以不妨search下你去既地方，睇吓有冇d local tour啱你地架！

kkday和服/浴衣預約體驗: https://m.kkday.com/zh-tw/product/12034#Modal 

八重和服租借店預約: http://yae-japan.com/tw/

八重和服租借店可租借女性，男性及兒童浴衣/和服。店內有講廣東話及普通話既職員，所以唔需要擔心溝通問題。職員話如果唔預訂都可以walk in，不過一班人就當然未必有位啦。Walk in價錢5400 Yen，三人以上有折，折後4900 Yen/位。

位置於淺草站再行幾分鐘，中間會經過雷門寺，我地跟google map行都唔難搵。

店內見到好多香港及中國人，也有外藉人士。Check in後每人都會有個袋放好自己既物品，然後就可以選擇浴衣喇 (因為當日氣溫31度，所以會著浴衣，職員話如果天氣轉涼，二十度左右就會開始轉和服)

店內超多款式，揀款都揀咗好耐

之後揀埋包包

Check in 及選擇和服/浴衣喺6樓，之後就落2樓著浴衣喇。

原來著浴衣都要著好多層，未出門口都開始覺得熱喇！

著好浴衣就可以去整頭喇，頭飾又係勁多選擇呢！

搞掂哂我又上返6樓租雨傘，500 Yen一把，用嚟影相真係靚好多架！

之後我地租埋人力車就出發喇！(我地喺店內租埋，會有discount架)

著傳統服飾既俥夫就好似我地既私人導遊一樣，一邊行一邊介紹，仲做埋我地攝影師。雖然佢英文唔算好好，但係好多都明白既。

當日天氣好熱，我地間唔中就問佢要唔要休息同飲水，跟住佢就會話「I am strong」唔需要休息

環境好靚既寺廟

俥夫表示經過香爐係要做呢個動作

好快就一個鐘，完成後俥夫仲同我地自拍留念

我地選擇咗停喺雷門寺另一邊門，我地就可以周圍影相及順路返去和服店

俥夫俾返張我地呢一個鐘既路線圖我地，仲介紹咗d傳統餐廳俾我地呢！

好好味既抹茶雪糕

沿途有好多遊客要求同我地影相，可能因為我地既浴衣及雨傘比較搶眼啦！

我地仲專誠揀咗呢間傳統日本餐廳食下午茶(其實係lunch)

話咁快就由10點幾玩到4點幾，雖然好熱好曬，但係著住靚靚浴衣遊走傳統寺廟真係一個好好既體驗，仲要係同我最親既妹妹，當日真係好開心啊！

東京淺草八重和服租借店

東京都台東區淺草1丁目16-2 Quatre Chic 6 樓

淺草人力車 吉兆屋

聯絡電郵：[email protected]

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Jasmine&Mama

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道

爸媽分享親子好去處旅遊東京