【黃大仙放電好去處 同小朋友一齊玩Cosplay 】

又到星期六，一家人出動去玩既時間，上星期同小火子去完鳳德公園，發現在一個蚊型商場翔盈里內， 有一間室內遊樂場準備開幕！

大家應該唔知我講緊邊，其實地址就係新光中心附近 (有$12店既商場）

今日有得玩啦，有小火子去玩下先！

Play2Learn

地址：黃大仙翔盈里

收費：分1hr/4hrs/全日

星期六/日： （1小時）$70 （1 大1細）；

額外家長： $40 ； 按金： $100

我地就係玩左一個鐘，其實呢個都係小型既遊樂場，除左玩亦有提供playgroup，不過我地當然係為左玩啦！

室內遊樂場面積不大，主要分波波池/ 滑梯/ 彈床競技區域，同埋煮飯仔＋角色扮演區。

因為新開關係，我地星期六下午都無咩人，所以玩得好鬆動！

波波池競技區無咩驚喜，但比小朋友放電係唔錯既，而且用色亦好夢幻！打卡一流！

至於煮飯仔＋角色扮演區，首先吸引小火子既係釣魚區，

有部份魚被釣起時會發光，好得意！

而煮飯仔方面，有很多不同的食物，其中麵包既手感好真，仲有麵包既香味。

而收銀櫃位亦做得好迫真，讚！

至於仲有幾個小小既區域，有醫院及廚房等，可以扮醫生好得意呀！

不過要留意既就係每個空間都真的很小，只能容納一至兩位小朋友，如果場內多人的話，就要等待一下了。

收費方面，其實都算抵玩，雖然地方細細，但小火子釣魚都玩左好耐，

所以玩一個鐘有點意猶未盡，但四個鐘又太多，

如果將來有兩個鐘既選項就好啦～

而且在入場時，看到有字眼說，超時一分鐘也會當一個鐘計算，

所以在差不多夠鐘時，感覺超緊張的，

還好最後剛好沒有超時⋯⋯如果差不多夠鐘時會有溫馨提示就好啦！

但發現了多一個放電新去處也不錯！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：貓町媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！