媽媽們生完BB，已經筋疲力盡，只想見心目中最重要嘅人。佢地會係邊個呢？

唔舒服嘅時候，自然唔想講咁多嘢，凈係想見到想見嘅親人。其實啱啱生完嘅媽媽，大傷元氣，傷口痛唔洗講，仲要照顧BB，所以好多媽媽喺啱啱生完嘅嗰段時間，都唔係咁想見其他人。太多朋友同親戚嘅探訪，或者會令媽媽覺得身心都好攰。去探坐月嘅媽媽之前，記得先問吓媽媽準備好有人去探佢同BB未呀。

至於最想見嘅三個人，媽媽就梗係想佢地陪多啲啦。

1. 最期待嘅寶貝BB

第一位當然係期待左十個月，終於可以見面嘅BB啦。雖然日夜照顧，餵奶換片唔容易，但無論如何，BB喺自己身邊，就會感覺好踏實。

2. 最感激嘅媽媽

第一胎又好，第二胎、第三胎都好，都會諗起自己嘅媽媽。係佢同自己啱啱一樣，好努力咁將自己帶到黎呢個世界。係佢心底裡幾時都咁愛自己。喺呢個時候，媽媽都會諗起自己媽媽。

3. 最多謝嘅老公

十月懷胎嘅期間，另一半嘅照顧同關懷，都係媽媽最好嘅支持，相信爸爸都付出咗好多努力。BB終於出世嗰刻，除左恭喜爸爸之外，媽媽一定都好想多謝老公嘅體貼同細心。而且，呢個時候，又攰又虛弱，梗係最想老公喺身邊啦。

Text: Mami Editorial