以前打風會覺得多一日假，但做左爸媽，就至少有三件事要擔心。

打工仔有時都幾期待颱風帶黎多一日假期，但做左爸爸媽媽，有颱風黎到嗰時，就唔再悠閒，喺嗰風黎之前仲要做足準備。以下三樣嘢，爸爸媽媽們準備好未呀？

1. 小朋友由邊個照顧

三號風球嘅話，小朋友就無得番學，要搵人幫手照願佢地。如果番學之後先掛三號風球，又要擔心校車同埋接放學嘅安排。

2. 屋企夠唔夠食物

大人嘅話，幾個杯麵就攪掂。但小朋友嘅話，營養飲食好重要，所以爸媽喺颱風黎之前，都會去街市同超市入啲糧食。

3. 確保屋企嘅安全

颱風嘅威力，可大可小，真係唔可以掉以輕心。颱風信號懸掛時，記住門窗要閂好，而當風嘅玻璃窗，就要預早貼上膠紙，減低玻璃受颱風吹襲而破裂嘅機會。

Text: Mami Editorial