【媽媽袋執乜好？半歲BB媽媽袋裝備大檢閱】

新手爸媽帶著BB出街總會緊張，帶咩好呢？結果好容易成間屋帶咗出街。不如等我分享下我的出街裝備。利申：我全餵母乳，沒奶粉裝備。

.

1) 換片用品

＊視乎出街時間帶兩至四條尿片－你總不知道BB幾時痾屎。

＊換片墊一塊－隨時換片無難度

＊即棄除臭袋－雖然唔環保，但在郊外無垃圾筒地方時，要拎住啲屎片喺身，就要靠佢。（平時買野唔要膠袋，所以無廢袋用）

＊濕紙巾－唔係用咩抹pat啊？

＊小手握玩具一個－當BB識轉身時，容易被distract，好難換片，有咗佢就可以令佢專注玩玩具，減少抹抹下pat左擰右擰。

.

2) 清潔與後備用品

＊四條紗巾－特別是已開始吃固體或玩口水玩到有花式的BB。

＊後備衫一套－當然是以防爆屎或大嘔奶。

＊外套一件－商場冷氣凍啊！

＊口水肩/食物圍兜－加固必備。

＊消毒搓手液－BLW寶寶必備。

.

3) 餵奶（母乳）用品

＊餵奶巾－正所謂一巾走天涯。

＊假若不喜歡外出哺乳，prefer坐熱冰奶，便要帶冰種、冰奶和暖奶器。

＊胸墊－勤換先衞生！

.

我真心諗住寫得簡單啲，點知寫寫下已經十幾個items。最怕麻煩嘅我，都係一個媽媽袋袋哂所有野，甚至連自己啲錢、卡、紙巾等都放入去，唔使左一袋右一袋。所以，一個易襯衫，就算著得斯文也襯到的媽媽袋就非常重要。

.

最近發現咗 FX Creations QueenBee親子系列嘅媽咪百寶包。佢選用輕巧兼防水嘅高密度絹面尼龍物料，其實睇落有啲似我讀書時同學好興用嘅某名牌書包咁，軟身得來又不易變形，好適合怒塞物件入袋嘅媽媽們。仲有好多好處：

.

＊亮黑款特別易襯衫，滑面質料加上香檳金拉鍊及SAFFIANO十字紋真皮拉牌設計，好貴氣。之前出席衣服品牌活動，揹住佢都唔覺得老土。

＊多格數，15個袋咁多，小朋友啲野細細件咁瑣碎，多格數絕對方便。佢亦有一啲暗格同底部拉鍊袋，方便放八達通、電話之類的媽媽物品。隻手伸去後面就攞到，一打一出街都唔使怕。

＊內設保溫格，而且大大地，可以放個小冰種加冰奶或在外泵好的奶，同埋是防滲透的，冰種啲水不會滲到成袋都係。食糊仔BB嘅食品，都可以利用到呢格存放。

＊背囊肩帶有軟墊或加厚透氣網紋弧形肩墊，不易滑落，亦卸咁啲力，唔會揹到媽媽膊頭有痕！

.

QueenBee親子系列仲有4個型號三色選擇，有媽咪款，仲有爸爸款！