【哺乳媽媽染髮扮靚唔洗驚 國際母乳會指注意染燙髮方法就唔影響】

話說未生西瓜妹前我都會染髮，睇落精神d好睇d，但有左之後就一直keep住黑黑，得番髮尾係啡色。本身礙於自己係餵人奶，所以打算等西瓜妹6個月我先染，點知好朋友9月結婚，而我都需要做姊妹。未修身都算無理由醜醜怪怪咁見人！所以決定染頭髮。

網上搵到嘅資料
*1997年國際母乳會發行的「Breastfeeding Answer Book」第382頁中指出 － 「哺乳媽媽使用護髮產品，如染髮或燙髮，並不會對母乳寶寶造成任何影響。當哺乳媽媽使用護髮產品時，部分化學成分會被她的皮膚所吸收，如果她的頭皮健康而且沒有任何損傷，化學成分吸收的程度會比皮膚或頭皮有抓破或擦傷的來得小」

於是我問一問經常染髮又同我一樣堅持人奶路既媽媽朋友，佢就介紹左個髮型師比我，我問完髮型師之後，佢就話：「其實染料有分阿摩尼亞/無阿摩尼亞。」

咩係阿摩尼亞？
阿摩尼亞在染髮劑的作用是製造鹼性的環境。阿摩尼亞有強烈的氣味，會刺激呼吸系統。

不過如果不含阿摩尼亞，顏色上都比較少，但會比較適合孕婦(髮型師建議最少要懷孕五個月又以上而且唔會染到太近頭皮)

我開頭係想加錢揀天然染料，反而叫我揀返普通嗰啲就可以，佢話如果餵人奶嘅話都唔會有影響！(因為佢太太都係餵人奶)

今次染番個頭，有種煥然一新嘅感覺，而且超抵 $338咋！如果用天然染料/漂頭就加$100，今次染一次已經變番啡色，味道都唔大(如果我元朗，天水圍染都要1000以上)

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：西瓜媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！