download MamiDaily 親子日常 app
【由穿羊水到聽到BB喊聲 你又痛咗幾耐?】

【由穿羊水到聽到BB喊聲 你又痛咗幾耐?】

懷孕 爸媽分享
By Cherry on 30 Aug 2018

等生女嘅過程一啲都唔容易,係要經歷8樣嘢⋯⋯

1.人手穿羊手

食過一個無米粥水既早餐,到咗催生既早上,等到九點到,有兩個姑娘拎住啲工具同我人手穿水...原來check 羊水嗰下都係微不足道咋!結果隊咗啲工具入面”卟”一聲,啲水係咁流,有個藍色兜接住啲羊水。

2.落催生藥啦

跟住大概早上十點左右,有姑娘幫我種豆落催生藥啦,吉落黎嗰下我手都唔知有幾痛啦!只係想快啲生!無幾耐喺探病時間老公同婆婆都黎睇我,我見格離有個南亞媽媽同我一樣時間落催生藥吖,佢已經痛到嗌到成個病房都聽到!我都開始好緊張啦⋯⋯

等到1點左右,一樣唔俾食飯,水一樣唔俾飲,因為催生緊唔可以飲水食野,跟住就推咗我入去產房,唔俾玩電話,姑娘話要落重啲催生藥啦。

3. 被推往產房

呢個勁漫長既陣痛,冷冰冰既產房,一個人都無,只聽到呀女嘅心跳機聲同望住個鐘。開始唔知自己進入咗幾多度,只係痛得越來越密!原來去到下午一度都未開,姑娘俾咗個止痛機我玩,佢話一痛就較震動話可以舒緩下。去到下午4點左右我頂唔順打咗第一枝止痛針,姑娘終於俾我吸笑氣啦!
4.度數終於開啦

去到七點左右又到探病時間,因為我未開度數所以老公無得留底,只係入左黎睇我安撫一輪就要走啦。老公離開咗產房之後,姑娘再幫我check 原來已經開到四度啦!佢俾個電話我,我吸笑氣吸到high high 嗰陣無啦啦要我打電話,我打咗幾次俾老公同婆婆都唔通,原來老公搭緊LIFT,上飯堂搵婆婆所以電話收唔到,跟住都聽咗電話話佢聽度數開咗可以上產房陪我啦~
5.打第二次止痛針

7:45我記得老公返上黎啦!啲陣痛好似步操咁,越來越快!去到八點到,我再要求打第二次止痛針,因為嗰陣痛係痛到回復返勁痛狀態,所以我知道對上一枝止痛針過咗時間失效(1枝止痛只維持4小時),一路吸住笑氣好似飲醉酒咁腦入面勁多嘢想講但又講唔到,就好似喺廁所湯緊咁。。一路痛一路握住張床個扶手,我老公形容我就黎整爛!
6.催生唔可以過12小時

去到唔知幾點,開始好緊張因為催生唔可以超過12小時但已經就過,啲醫生姑娘叫我試下生,點知個產房無哂人喺入面,得老公幫我打氣,佢話嗰一刻啲助產士同醫生都唔得閒,佢好擔心!

後來啲人見我咁耐都未生到就入黎睇,我一路聞住笑氣,佢叫我對腳要撐返好但我已經聽唔入耳,佢話bb喺肚度呼吸有啲問題,叫我要快啲生,兩腳左右大字形撐住一路用力疴佢一邊吸住笑氣,唔記得咗係點吸氣呼氣,點知好多屎咇咗岀黎,我老公喺旁邊同我睇到姑娘即刻用棉花包住咗!
7.有腦充血風險,你揀定唔揀?

我喺咁同姑娘講點解無得開刀嫁,痛死我啦!此時,醫生話因為BB落到好低就問我吸唔吸BB,我就點頭,佢話有可能會腦充血,簽個名啦! 我老公吓咗一聲俾人趕咗岀去等!

原本佢想陪產,我再吸氣呼氣,啲人係咁厄我話見到個頭既時候,已經剪緊會陰塞咗個嘢入去吸BB個頭岀黎!

<哇1.2.3. BB岀咗黎啦!>

我第一眼望住BB係兩大條灰灰哋色既臍帶圍住頸兩圈!係兩圈!個樣好似好攰咁啤住我。個醫生個樣就好似有點意外咁搵較剪幫佢剪臍帶!

醫生: BB因為吸岀黎個頭有啲奇怪,凸起咗,大個會變返圓既!

醫生:你打過止痛針BB要打解藥,但宜家都唔需要打啦,因為都過咗一段時間。

我:BB仲未識喊既?

我又無得抱佢,後來醫生話佢喊啦喊都合格,但BB因為喺肚入面太耐所以建議送去特別病房觀察吓先~此時一路問醫生,醫生叫我聞笑氣同我縫返會陰,BB就打緊針吸緊腳印。我大概縫咗十幾針,因為我吸BB嗰陣剪到好大個傷口!唔記得係縫嗰陣疴胎盤定乜最後都完成了!
8. 完成使命

老公即刻入返黎睇我,俾咗麵包同水我飲!因為我已經十幾廿個鐘無食嘢!我第一句同老公講我唔生啦!我老公話見到我咁痛佢都好心痛,無幾耐佢岀返去見到BB推出黎,佢話BB食咗第一枝奶粉,而我就推返去產後病房疴第一篤尿!但由於吸笑氣吸到個人好興奮~訓唔著打開電話收到好多朋友既祝福!

==============================

Text & PhotosCherry

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道