【新手媽媽要照單全收人哋意見？越聽只會越大壓力】

係育兒方面，我仲係一個新手，每次係照顧小朋友個陣，總會有唔同聲音。

1.「bb唔好成日抱！抱慣左好麻煩！」
早2日，我去茶樓飲茶，隔離枱bb同西瓜妹差唔多大，個媽媽餵完奶，就咁擺落bb車由佢喊(喊左10分鐘) 但佢爸爸媽媽完全無理，喊到我心都up埋，其實bb一出世咩都唔識，好需要安全感，我明白抱開左，小朋友會痴身。西瓜妹通常扭抱都係想覺豬，所以抱5-10分鐘已經可以放手。其實只要適當時抱，就唔需要太擔心。

2.「唔好著咁多衫！」
其實每個bb都唔同，西瓜妹係屬於容易凍冰冰既bb，所以出街都要著2件衫加毛巾，但就成日比人話著太多，焗親佢，但我長時間係室內有冷氣，著少d 一冷一熱，仲容易病！

3.「唔好畀佢啜奶咀啊！」
唔好比佢啜阿！遲d啜到咀仔好嘟，其實我個女又唔係24小時咁啜，唔要自己會放口，所以暫時唔太擔心！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：西瓜媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！