【BB發燒護理】BB發燒要睇醫生? 父母必學7個護理方法

【BB發燒護理】BB發燒要睇醫生? 父母必學7個護理方法

mami熱話
Byrachel.lo on 29 Aug 2018

BB發燒時會全身發熱、冇精神、冇胃口,甚至因為身體唔舒服而大聲哭喊,究竟咩情況下要帶BB睇醫生?又點樣護理發緊燒嘅BB呢?

BB發燒,最令父母擔心

BB嘅正常體溫:

Screen Shot 2018-08-28 at 3.27.10 PM 1

如果BB係2個月或以下、免疫能力較弱或有其他特別健康問題嘅話,病情可能會轉變得很快,父母應盡早帶BB睇醫生。另外,如發現BB有以下狀況,亦應該立即帶BB就醫:

  • 出現抽搐
  • 身上有紅疹
  • 精神委靡不振
  • 不願吸吮或進食
  • 發高燒而父母不能為寶寶退熱
  • 發燒超過一天
  • 有脫水現象,例如:口部乾涸、啼哭時沒有淚水、病容滿面、眼球或頭頂囟門凹陷

BB發燒如有嚴重徵狀,便應立即求醫
Photo from Mamidaily

護理方法
家長可以用以下方法護理發燒中嘅BB:

1. 量度體溫
每隔四小時用電子或紅外線耳溫探熱針為BB量體溫,注意水銀探熱針容易打爛,洩漏有毒嘅水銀,所以唔適宜用喺BB身上。

BB發燒,宜每隔四小時用電子或紅外線耳溫探熱針為BB量體溫

2. 按醫生指示服用退燒藥
如果寶寶體溫超過正常溫度,而且寶寶顯得唔舒服,可考慮按醫生嘅指示,餵BB食退燒藥。家長須留意,過量服用退燒藥會對身體有害, 所以無論服用次數、分量同服用嘅方法都必需依從醫生嘅處方。通常寶寶發燒時先需要服用退燒藥,而且每次服用須相隔4-6小時。

BB發燒,應按醫生指示服用退燒藥
Photo from Mamaidaily

3. 適量衣服
寶寶發燒時要穿著適量衣服,以免過熱或過涼。衣物應以棉質為主,容易吸汗。出汗後,應立即更換濕衣服。

廣告
廣告

寶寶發燒時要穿著適量衣服,以免過熱或過涼。
Photo from Mamidaily

4. 保持室內空氣流通
可打開窗戶、開空調或用風扇令室內空氣流通,BB會覺得舒適。

保持室內空氣流通,讓發燒中的BB得到新鮮空氣
Photo from Mamidaily

5. 補充水分
發燒出汗會令身體失去水分。所以需要畀寶寶補充適量嘅水分。由於母乳本身含有充足嘅水分,BB發燒時只要增加母乳餵哺嘅次數就足夠。要留意BB有冇出現脫水現象,如察覺任何脫水跡象或家長感到擔憂不安,就要立即帶BB睇醫生。

BB發燒需要補充適量水分,母乳本身含有充足嘅水分,BB發燒時只要增加母乳餵哺嘅次數就足夠。
Photo from Mamidaily

6. 充足休息及養分
寶寶發燒會較為疲倦,應留喺家中,畀BB有充分休息。發燒會減慢胃部嘅消化活動,所以喺發燒期間須避免餵食難消化嘅食物,但亦毋須刻意減少餵食嘅分量。

寶寶發燒會較為疲倦,應留喺家中,畀BB有充分休息
Photo from Mamidaily

7. 溫水浴
溫水浴並唔能夠幫BB退燒,但如果BB唔能夠服用藥物、服藥後嘔吐、表現煩躁或非常不適,可以畀BB浸泡溫水浴令BB舒服啲。放BB坐喺有溫水嘅浴盆中,用毛巾淋浴大約5至10分鐘。千祈唔好用凍水或火酒降溫,因為咁會令BB發顫,令體溫不降反升。當BB開始發顫或水溫轉涼,應立即將BB抱離浴盆。

BB發燒時切勿用凍水或火酒降溫,這會令BB發抖,令體溫不降反升
Photo from Mamidaily

如有任何疑問或擔心,應盡快諮詢醫生意見。

Text: Mami Editorial

Photo Source:衛生署、Pinterest

Share to Facebook