【帶B去唔到旅行？租BB車，揀岩酒店令你事半功倍】

係香港呢個壓力咁大既地方，真係隨時隨地都想去旅行呀！但係帶住個BB，係唔係覺得好困難？

雖然帶B去旅行係比較辛苦，但其實都唔係想像中咁難咖咋！

早前我岩岩同僑蛋係台北番黎，今次就同大家講下我帶僑蛋去台北玩既小秘訣啦！

Photo from 僑蛋媽

有啲媽咪會買架b車專門去旅行用，但係幾細既B車都好啦，始終都有一定既重量同體積。

但原來好多地方都已經有得租BB車啦咖！價錢仲相當平添！就好似我早前出發台北為例呀，租一架B車先100台幣一日。睇到呢到你地係咪想問點樣租車交車？佢地除左可以捷運站面交，宅配之外，仲有個超貼心既方法，就係book埋佢地既接送車，咁就可以接你地機既時候比車你，回程車你地去到機場再收番架車！係咪好方便呢

Photo from Shutterstock

同BB去旅行最怕既我覺得係得兩樣野-沖涼，食飯

剩係講沖涼啦，僑蛋未識企係到沖涼，所以一定要用浴盤，但係我係唔會特登浪費錢去買個吹氣浴盤去沖涼，係呢個時候，訂酒店既時候不仿搵一啲有提供嬰兒用品既酒店，嬰兒床，浴盤，嬰兒車，尿片，枕頭仔等等有啲酒店都會免費提供到。

食飯係個最煩既問題，唔同年齡食唔同既野，糊仔，粥仔，BLW，跟大人食等等，即使年紀大少少既B都會有自己食野既口味，大家都唔想去旅行去到餓親個B咖嘛，但係又有幾多酒店會有個廚房比你煮野食？出去食？個B岩唔岩口味先？

Photo from Shutterstock

其實可以帶一個炆燒壺過去，只要將啲食材掟入去焗一焗，粥仔，飯，麵，菜都可以整到，如果連去當地買食材都想慳番既可以直接帶BB麵同BB果蓉過去焗一焗，撈一撈又搞掂！

如果想知道更多我同僑蛋旅行既貼士可以like 我地FB專頁：僑蛋.搗蛋

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text： 僑蛋媽

Photos ：僑蛋媽 , Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！