【最後預備多顧慮大肚媽媽36-39週嘅懷孕生活】

By Suki 綿綿媽媽 on 15 Aug 2018

我叫Suki, 是一位化妝師及花藝師，現在懷有綿綿bb, 懷孕真的很奇妙, 事業心重既我，居然希望將來做全職媽媽, 多年前常在網絡分享貓咪(薯條仔)生活點滴，扮靚化妝心得，後來工作太忙甚少分享了。可能到了人生另一階段, 就激發我重新再想寫blog既衝動,更加希望將所有懷孕歷程到出世後既生活趣事，記錄及同大家分享，綿綿~ 爸爸媽媽好期待你既來臨呵

臨生前，好似有好多顧慮，包括手頭上工作及鎖碎事務，腦海經常出現仲有邊樣事情未辦好，邊樣東西未預備好，有邊樣野好想做但又未做，等等！唔通大肚媽媽真係會有咁樣反應？

首先最開心係，終於有機會陀住綿綿bb，同"薯條仔"影合照喇，呢日係36W+3D，謝謝綿綿爸爸帶我地落樓下公園拍照留念，希望將來你地能夠一齊好好相處及開開心心生活，呢2張相，我很喜歡。

到了37W+3D，暫時係我最後一次到 St.Paul做產檢，當時綿綿已經有2.5kg，生長進度正常，數數日子，呢日距離預產期倒數日子仲有19日，愈諗愈緊張，感覺時間開始過得好快。

雖然在家安胎，但部份化妝job，客人肯來我家，都會照接的，如果外出job，就由其他同事做。不過38W 開始就唔敢接了，怕綿綿隨時出來，所以全部都交由同事處理，呢段日子幸好有同事待接工作，總算可以安心放下來。

另外花藝工作方面，臨生綿綿之前，終於安心完成麻手頭上最後呢個訂單，如果大家要再訂花頭飾，最快要等我6月坐完月先可以再交貨及再開班喇！謝謝大家體諒及支持！

之前與 Babebama 合作 promotion，幸好係38W前趕起完成織好5對bb鞋仔，謝謝喜歡綿綿媽媽手作既朋友。

因為生完之後會去媽媽屋企坐月，所以要預先安排屋企人將初生bb用品搬到娘家。另外為了方便老公容易搵到我放既物資用品位置，例如 Refill 用品，出入院出品等等，已經係38W前貼好晒 lable喇，希望到時順順利利啦。

到38W當日，約5pm及6pm時發現2次見紅，之後打算沖完涼食完晚飯先去醫院，但後來再無見紅，又無陣痛，最後當晚都留番係屋企休息。因為第二朝早上要到健康院產檢，唯有到時見醫生時再睇情況。見完醫生，就寫了封信安排我當日返瑪嘉烈醫院檢查，最後都要留院觀察，最初留係產房，觀察了一小時bb 心跳及胎動次數，因為係產房，所以不能開電話，探病時間又未到，所以想聯絡屋企人都好唔方便，後來再等見醫生，到了晚上8pm，終於可以送我上產前房休息及觀察，這樣好好多了，因為可以開電話，方便同屋企人聯絡，又可以上網睇電視及隔離左右都有其他媽媽，有番d人氣呀，觀察了一晚暫時未有動靜，醫生都安排我第二日食完lunch 就出院。可能綿綿未ready咁早出來，又或者知道媽媽緊張，比機會我預先實習醫院待產環境，只是辛苦了綿綿爸爸兩邊走！現在唯有乖乖留係屋企休息吧。