【在職母乳媽返工好麻煩 帶少一樣都唔得 話你知邊5樣野一定要記得帶】

如果大家有留意開我Facebook都知道我係一個在職母乳媽媽！每日返工都要不停泵奶、洗野、泵奶、洗野不停loop。雖然辛苦，但總係會覺得好值得！仲好記得第一日返工個陣，好驚好驚帶漏野，因為帶漏事但一樣野都會影響到泵奶（你懂的），所以都希望透過呢篇blog比大家知道，在職母乳媽媽返工到底需要準備d咩！咁返工就唔洗驚帶漏野啦！

如果想睇詳細d/唔想睇文字可以拉到最下面睇video版本架！

首先就要準備返平時泵奶奶泵同喇叭（遲d會有奶泵比較既影片，如果想我推介都可以inbox我）。最好揀d可以差滿電拎得出街既奶泵，自由度就會大d啦！

另外就要需要帶冰袋、密實盒、母乳神器、消毒用具（如微波爐消毒盒/袋）。

密實盒主要係用黎放入d奶入去，先再擺入雪櫃，一黎衛生d，二黎又唔怕其他同事覺得尷尬～

清潔喇叭平時沖沖洗完再用個陣，用熱水浸一浸、沖一沖就可以架喇～唔需要成日消毒，24小時內消毒一次就ok，如果每次用完都消毒，就要一個月換一個新喇叭同配件。

最後返工個陣記得帶晒以下既野啊！
1。奶泵機
2。冰袋
3。喇叭（最好買多個放公司）
4。母乳神器（放定係公司）
5。消毒用具（放定係公司）

詳細版可以睇呢段video!

如果各位母乳媽媽有咩問題想問，歡迎inbox我交流一下，希望我可以透過自己小小經驗，幫下大家！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：90後P牌媽咪

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！