【抓緊暑假尾巴 同小朋友3大暑假必做嘅事 把握最後機會享受親子樂】

暑假過左一半，仲有三個星期就完結了!但當老師的我仲有一星期咋!真係好唔捨得呀!不過，今個暑假，我和玥姐晨弟過得非常之難忘呢!就讓我分享一下如何平靚正玩盡這暑假。

首先，我申請了海洋公園金卡全年証。由於BBs未到三歲，所以唔使錢入場，我只須付$1290就可入場十四個月。就因為咁，d個暑假，我每星期入場一至兩次。到現在為至，我同BBs已經入去玩左8次，暫時全次入場費只係約$160，當然我仲有大約12 個月可以繼續入去玩啦，所以真係非常化算!每次去完，我同BBs也玩得超開心，而且職員都好親切友善。可能有人會覺得天時暑熱，又曬又熱點去呀?所以我通常下午兩三點先出發，沒有那麼曬，況且因那時買一日票的人也差不多要離去，入場的人又少，不用怎排隊。入到去，可以先參觀一些室內展館和玩玩旋轉木馬，然後搭纜車去對面(冇乜人排隊)，玩完搭海洋烈車返來，因那時好多人搭纜車回程，分分鐘要排差不多一個鐘。之後，五時多搭車返屋企，返到屋企就食晚餐，時間剛剛好呢!

第二，我申請埋博物館全年証，有海洋公園全年証仲有九折呀!每人每張收費$50，但家庭全年証(4人)只須$100，相等於二人收費，所以我申請左家庭全年証(外傭不可計在內)，夾埋老公、妹妹和妹夫四人只須俾$90(因為有九折) 。每人約付$23，但每次博物館的入場費由十元至二十元不等，即係我入去玩兩次已回本!所以我帶左玥姐去科學館和文化博物館。科學館最頂層叫「兒童天地」，好適合小朋友。「小小工程師」讓兒童參與建屋的過程，讓他們學習互相合作、發展社交技巧。「滾球過山車」讓兒童一起合作拼接過山車軌道，探索展品中的科學原理。由於玥姐只得一歲半，所以我只俾佢玩「滾球過山車」。佢雖然未必明白科學原理，但她非常享受呢!另外，其他樓層的展覽也很值得參觀，令小朋友大開眼界!我仲帶左玥玥去文化博物館，地下的兒童探知館是免費入場的。除了有展品外，還有枱有櫈俾小朋友畫畫用。由於玥玥太細，所以我只帶佢入玩具展覽廳，玩玩裡面的玩具和大棋盤。這些都是炎炎夏日消暑的好去處。

第三，夏天緊係去沙灘啦!又唔使錢!要去就當然一早去，冇咁曬呀!今個暑假，我去左兩個沙灘—黃金海岸和愉景灣。先講下愉景灣，住香港島既人，可以係中環搭船，而住九龍或新界既人，可以選擇係欣澳或者東涌轉巴士。沙灘旁有免費的沙灘傘和沙灘椅提供。可以係傘下堆沙，物品又可於椅子，真係好方便!而且附近有個沙灘遊樂場，有鞦韆、滑梯、搖搖板等。近日，仲有個免費「恐龍歷險樂園」，有充氣滑水梯滑、彈床、巨型滾輪水上飄等，但只讓身高過90cm的小朋友玩，所以玥姐冇得玩。開放至8月12日，仲有最好兩日咋，好好把握最後機會啦!

至於黃金海岸，雖然沒有沙灘傘和沙灘椅，但有很多大樹遮蔭，所以也很舒服。而且玩得累，可以到附近酒店過冷河，吃過午飯，再到商場逛逛，然後欣賞一下渡假式建築和附近的游艇，勁有渡假feel 呢!

(註:愉景灣沙灘設有室外沖身區和室內更衣室。黃金海岸沙灘有室內沖身室和更衣室。)

大家記得把握時間，玩盡去，讓仔女有一個美好的童年回憶，而唔係剩係得溫書補習上興趣班。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：龍鳳孖媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！