【想將最好 給予最好 每個方法都係媽媽愛孩子嘅證明 何必要去作比較】

自從小恩恩出左世之後，我發現自己所做既每一件事，都係想比到最好既野佢！不論係食、穿、用既，我都會做好research先選購！黎緊準備加固，亦係到選擇緊行BLW定傳統糊仔好。其實做媽媽，我地想比小朋友一定係最好！

我自己都為左比一個快樂正面既童年小恩恩，我從來都無係佢面前發脾氣／嬲，因為自己知道咁樣會好影響佢成長。但d脾氣屈得耐，就會好容易對左身邊既人發脾氣，所以有一排恩爸成日都受我氣。當然唔係要大家對住bb發脾氣，而係想比大家知，世界上無一個完美既父母。大家都努力緊做一個好父母！

但往往好多時，媽媽們都會有自己既觀點同意見，大家都會堅持自己做既決定／模式係最好。甚至有時會出現左比較，例如：我餵人奶一定好過你餵奶粉、點解你唔餵人奶、點解你唔比奶咀bb、點解你可以捨得生完bb繼續返工食等等等等既說話。我明白每個媽媽都會相信自己為bb揀既一定係最好，但同樣地，其他媽媽都一樣係好愛好錫自己既小朋友，無一個父母希望自己既子女唔好！

好似餵人奶一事上，我都聽過有d媽咪唔係唔想餵，而佢真係點飲上奶湯，點按摩d奶量都唔多，最後先選擇餵奶粉。
而生完bb繼續開工，大家都係希望經濟穩定，可以照顧bb金錢上需要，畢業養小朋友都需要錢。所以在職既父母放假，都會同bb去玩、相處一下。

即使我地行既唔係同一樣既方法，但我地都依然都係盡緊自己最大既努力做好父母既角色！我地唔需要比較邊個媽媽做得好d，邊個做做無咁好。只要佢地都健康快樂成長，就咩都足夠了！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：90後P牌媽咪

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！