【BB跌磅 自己又唔夠奶 旁人仲係咁問係唔係唔夠奶 真係好大壓力呀!】

【BB跌磅 自己又唔夠奶 旁人仲係咁問係唔係唔夠奶 真係好大壓力呀!】

爸媽分享 家庭關係
ByLQY BB on 04 Aug 2018

坐月開始了,母親大人有煮五更飯俾我食,什麼是「五更飯」?

「五更」即係凌晨5點,傳統話係呢個時間食飯,可以補中益氣,中醫角度朝早係胃經活動的時間,有助健脾胃,令身體更易吸收營養,精神更為飽滿。五更飯我食足一個月,我係每日上午5點起身食,聽落好似好辛苦咁早起身,但其實果段時間BB 會隔2個鐘起身食奶,又要換片,所以都唔會有得訓好耐嫁!

同時我會飲炒米茶,都係母親預備既,最好就即日飲即日煮,因為放第2日要放雪櫃唔新鮮,唔放雪櫃好易變壞。

另外會飲好多水同湯水,材料例如有通草,章魚/其他魚類,花生等等,都係上奶既湯水。

我頭2個月都係要奶粉+人奶咁喂(比例係4:6),因為頭一個月唔夠奶,第2個月又驚佢唔夠食,第3個月幾乎一日只食一餐奶粉(其實果陣我都已經夠奶,不過老公果面驚唔夠,所以都會食一餐奶粉), 第4個月就全人奶了,俾返啊B 食奶粉,奶樽佢都唔肯食,健康院姑娘都話佢識揀HAHA。

shutterstock_603794408

由最初泵奶得10-20ML,到最後可以滿樽仲有多真係好興奮。 一開始因為AR B 有跌磅,屋企人會成日覺得我唔夠奶,呢個時間一定唔可以氣餒,因為心情都會影響奶量,只要KEEP住埋身, 2-3個鐘泵奶,飲湯飲水,同埋食飯(本身個人鐘意食粉面多過食飯,咁其中一星期咁岩少左煮飯,食粉面多,奶量即刻跌好多我諗左好耐先知可能有關,上網睇有D 媽媽都係咁講,之後我就日日都會食飯,至少一碗)

1

五更飯材料:

薑絲(順產媽媽可以即時少量食用,開刀的便要十二朝後才可)、豬肉、雞肉、雞蛋、飯

我個人食得最多係雞蛋豬肉飯,果段時間真係食到厭,不過知道對自己同對AR B都有好處,都係堅持一個月者。

廣告
廣告

泵奶我係用淘寶既<优合双边双侧电动吸奶器>同埋SPECTRA 9+,因為要返工最好準備2個泵,唔使帶黎帶去同埋驚一個突然間壞左。個人比較喜歡淘寶既优合泵奶器,佢吸力比較大同埋聲音較細,性價比高。

配件我就係用一套,每日帶來回公司,因為我已經預計會做全職媽媽,否則都會學公司有D MAMA 買2套配件,返工泵2次,每次用一套,聽落會衛生過我用一套泵2次,我泵完會用滾水燙同埋用保鮮袋袋好放入雪櫃,返屋企就會消毒。

晚上身體會分泌更多的催乳素,所以我都會喂完奶就泵,AR B 通常食一邊就會訓返。所以有另一邊可以泵,為左上奶就唔可以懶LA,到左上哂奶,我而家就無咁勤力夜晚起身泵了。

我返工果個月,我會叫奶奶將AR B 既飲奶時間同ML 數記底,咁我就知AR B 幾時飲同飲幾多,咁我響公司 PUMP 果陣就會知要泵幾多出黎。

shutterstock_731920585

我既時間係早上7:00埋身喂+泵,咁泵出黎果次就會係AR B 9/10點飲,之後就飲之前1 日泵既,太約夠2-3餐,1餐奶粉,放工同放假就全埋身餵,埋身餵實在太方面啦,又唔使洗野消毒,又唔使預時間熱奶凍奶,AR B 食緊果陣另一隻手可以摸佢或者睇下電話咁,可以分心唔使諗住佢食得多定少,人奶係按需餵養,AR B 食夠就會定,一定要對AR B 有信心,佢會自己知自己需要幾多嫁!

由出世細碼B(仲跌過磅唔出得院,出左院又入返院) 到而家4個月大碼B,真係好欣慰,肥瘦唔緊要,健康成長就好。

而家做左全職MAMA,黎緊會分享下全職MAMA 既苦與樂。

==============================

Text & Photos : LQY BB

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook