【作動肚痛點算好？痛楚原來都有分級數】

注意 極長篇！我今次係第一胎，係生前揾過好多blog睇，但好多都係好耐之前/無咁詳盡，所以我呢次好好記錄下 希望準備生既你地有定準備！

7月3日 8:30am

呢個星期d時間顛倒唒，日日朝早先訓晏就先起身，點都瞓唔好 。8:30打算瞓嘅時候竟然肚痛，開頭以為係急屎，但之後演變成微m痛加腰痛，有d唔對路。因為開始有規律！平均5-10分鐘一次，每次50秒左右，我一路忍，最後係媽媽gp都求救，問下呢個情況會唔會似假痛(因為唔想比醫生趕番出黎 )經過一番討論，都係決定去醫院，正當我同隔離個個講：「我有d肚痛，不如去醫院。」佢比我既回覆係：「出廳行下睇下有無好d 。」之後繼續訓.............我當然即時片醒佢！

10:10 的士中..
keep住都係5分鐘痛咁，但呢種痛係同假痛係2回事。(平時假痛：係肚硬，心口un住un住咁，而且唔會太長時間，但真痛：係keep住5分鐘一次左右，而且係一痛連埋條腰，成個上半身一齊痛，會痛到標汗，但痛完個一分鐘 就好似無事發生過)
11:00am 到達聯合
成晚無訓，加埋又未食過野，本身仲打算食個早餐先上去，最後開始痛到腳軟，所以決定直接產房登記。(記住over24週 有咩事都可以直接上產房檢查，唔好行去急症室到登記阿)
-
11:15am 產房 檢查登記
咁又係換衫留小便，之後聽心跳測宮縮，訓係床上45mins (連埋頭2次入院 我發現個女上到產房會訓著唔郁 今次唔例外)，之後姑娘入黎幫我宮探：太太你已經開左2度喎！你好叻，轉頭幫你加快產程，人手穿水，穿完一攤暖水湧出黎(唔痛架) ，之後就推我入另一間房待產，然後放我老公入黎陪我。

12:00 入到待產房
間房好新好大，無傳統手術室個d恐佈感覺，之後助產士入黎，好多時檢查都係一個資深帶2-3個新人，雖然多實習既人，但個個都好好，係咁鼓勵我，就算手種豆，佢地知我血管難打同好驚，都會有熟手去做，無搞到爆唒血情況出現，就算我甩左要換第2隻手再打，佢都係一下搞掂又唔痛，另外實習生參與度都高，2次摸度數都摸多左一度，但宮探真係好辛苦，你痛緊一定要stop佢，如果唔係自己硬食好辛苦！

聯合有個奇妙既問題，佢會隔一個鐘問你一次1-10分痛，有幾痛，佢會因應你既痛既度數而提供止痛方法比你：
3分痛-止痛音樂，佢比左抒情音樂我聽，插住耳筒(有-雞全部都係雞全部都係雞,仲有卡農)聽完2首我扔開左。
4-5分痛-按摩，姑娘拎按摩油幫我按腰，愈按陣痛得愈勁(唔知係咪呢個原因 度數開快左)但太痛既關係，我又係stop左無按。
6分痛-fitball，我講6分痛個陣開到5度，姑娘問我：你要唔要un下，無咁痛又開快d 我！唔！要！落！床 ，痛緊點落地姐！姑娘你玩野？
7分痛-聞風喪膽既笑氣，我上網loop咁多篇生產記，已經一心期待呢一刻，點知一聞，勁臭勁膠.....唔係我要既野黎既，我最後扔走左佢，但姑娘一直擺我隔離鼓勵我用，我到生完都無掂過個笑氣。
我全程係運用最天然既方法止痛，呼吸法，我絕對無稔過呢個呼吸法會陪我走過10級痛，老公陪產不停講：放鬆放鬆！深呼吸！鼻吸口呼！

待續....

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：西瓜媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！