【小朋友唔鐘意刷牙唔使怕 可用少少方法就改變孩子影響 3招教你小朋友愛上刷牙習慣】

小朋友刷牙要由BB開始！健康院都有教BB出世後，要定期清潔口腔，最主要為左令BB習慣刷牙！開講有話，習慣成自然，當刷牙變成一項習慣，小朋友自自然然早晚刷牙啦!!下面實用3招，教你小朋友愛上刷牙呢個習慣~

☑多聽多睇刷牙兒歌
鯨魚家姐同蝦子細佬由BB開始，已經有聽有睇唔同既刷牙兒歌，係佢地刷牙時，爸媽都會唱歌帶領佢地刷牙，brush brush brush your teeth，不斷無張loop，可以的話，配上誇張動作，實行寓刷牙於娛樂

☑自選卡通人物牙刷
牙刷會定期更換，鯨魚家姐同蝦子細佬都冇指定款式牙刷，爸爸媽媽會任由佢地選擇喜愛既牙刷，因為隨著佢地成長，每階段喜愛既卡通人物同牙刷款式都唔同，自主都係成長既必經階段，既可提高自信心之餘，又令佢地更喜歡刷牙

☑選擇易入口既牙膏
係鯨魚同蝦子出第一隻牙仔開始，媽媽就用上BB岩用既瑞士Weleda牙膏幫兩位清潔牙仔，所選牙膏不含fluoride （大個就要轉返含fluoride牙膏），咁就唔怕佢地未識啷口吞落肚，而牙膏含金盞花成份，除左可以舒緩出牙仔既不適，隻味又夠清新易入口，BB大多唔抗拒，自然慢慢養成用牙膏刷牙呢個習慣啦

肯刷牙，冇咁易蛀牙，棚牙都靚D，牙醫都睇少D，環環相扣，小改變大影響~~

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 鯨魚家姐·蝦子細佬媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！