【高需求寶寶情緒特別強烈且敏感 需求不被滿足會抵抗 同你細數七個高需求寶寶嘅特質】

我的寶寶Elly過了一百天已經介左夜奶，一直認為佢系易湊寶寶，例如幻想佢可以由夜晚8:00pm 訓到朝早8:00pm, 不過到而家8個月佢都仲系極度淺眠仲有極黏人。長輩經常提我不要縱BB，不過自己每日照顧真系發覺對佢強硬吾work，然後，我做了一些資料蒐集，看到有一種寶寶叫做「高需求寶寶」。

高需求寶寶（high need infants）最早是由由美國西爾斯博士(Dr Sears)提出，以下是一些高需求寶寶的特徵，再加了本人一些經驗，希望同大家交流下。

1. 很敏感
高需求的寶寶對環境很敏感，他們會喜歡因為環境的變化而不安，在白天如果容易受到驚嚇，晚上也會睡得不穏。

Elly 四個月開始我已經差不多每日帶佢去婆婆屋企，不過佢用左好耐時間先可以系婆婆屋企熟睡。當回到家上樓梯時佢每次都好興奮（其他樓梯如地鐵出口佢冇反應架）。到而家八個月，當佢見到我要換衣服，佢就開始大喊，知道可以出街很開心，但當知道要回家更開心。

2. 反應強烈，需求不斷
高需求寶寶的哭鬧及情緒特別強烈，如果未能満足他們的需求，他們會出現很強烈的抵抗。

高需求寶寶（high need infants）最早是由由美國西爾斯博士(Dr Sears)提出，以下是一些高需求寶寶的特徵，再加了本人一些經驗，希望同大家交流下。

Elly 一出世之後，條尿片一濕就喊到好似受傷甘，真系痾一篤都同我喊，不過六個月開始就好d，便便佢就一直吾客氣，痾完一定嘈到你知。

自四個月開始反身之後，佢就越來越痴身，就算我放佢喺highchair 喺佢面前做家務，同佢傾住計唱住歌都吾得，勢要爆喊，我試過由佢喊，不過佢真系可以同我吾收聲⋯⋯⋯所以我d家務唯有揹住佢做或者等老公番黎陪佢玩先做。

3. 活動量高
高需求寶寶精力旺盛，不喜歡身體被拘束

仲記得有人問我如果甘怕Elly頭仔吹親，甘仲乜吾同佢帶帽？嗯⋯⋯應該有好多寶寶都系甘，佢地系吾會俾你成功帶帽！仲有退熱貼都系！另外好討厭束縛，如果bb車/ highchair 扣住，佢會勁憫，會郁身郁勢，再拗腰你睇，連揹帶都吾可以太䀡佢。

4. 奶量需求大
自從加固之後，Elly 仲系對奶需求仲系好大，冇少少奶水佢訓佢就眼光光，繼續玩吾午睡，打鬧都系甘。呢個冇法。

5. 入睡難，容易醒
高需求的寶寶睡覺喜歡被抱睡或者奶睡，日間睡眠時間非常短，少少聲響都能夠讓他們醒來。

Elly 系奶睡 type，經常精力充沛，不肯睡bb床的，硬放佢只會做出很多危險動作，所以每次佢熟睡我先抱佢番bb床。

6. 極度黏人
高需求寶寶對玩具興趣不大，最喜歡的是與大人互動。

我做得最啱就系冇買玩具，屋企既玩具都系朋友送，Elly 最鍾意只系痴住照顧佢既人，毛公仔佢影完張相，望左兩眼就完全冇興趣，最有興趣我用過既東西，我成日睇書，所以佢暫時對掀書最有興趣。

7. 不會自我安撫
成日聽到人地d 寶寶會有條安撫巾，Elly 一直冇樣野啱佢。有時佢吾肯訓我都忍吾住會鬧佢，由佢喊一陣，佢就訓，跟著我就有得訓 -.-

寶寶係自己生既，做媽媽真系最清楚自己寶寶，所以我覺得湊寶寶方法真系跟自己感覺就可以。意見當然可以接受，不過如果硬黎只有辛苦寶寶辛苦自己。每個媽媽都系最偉大，讓我地互相打氣！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Man Man

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！