【親子活動好去處 有得食有得玩 帶你一齊去食40蚊足料鰻魚丼飯】

遠自江戶時代的傳統，「土用丑之日」即日本的「鰻魚日」，當然少不了要食鰻魚補充體力。黃埔九號水產就將於7月20日至22日一連三日舉行「鰻魚祭」，等大家齊齊感受日本傳統，我們和茶茶率先體驗，有得玩有得食，滿足曬大人與小朋友。

場內設有不停的美食市集，中庭市集由「饒之味」居酒屋主理，有迷你鰻魚飯、鰻魚柳川鍋、鰻魚煎蛋卷和迷你鰻魚烏冬，全部40蚊！推薦鰻魚煎蛋卷，軟綿綿的蛋包著鰻魚，兩者味道融合一起，見到都已經流曬口水。。

交上點菜單，師傅即燒鰻魚，個種即燒即食的口感，真的好食到暈呀！如果小朋友和女士們就一碗飽肚，如果好似茶爸身型的男士應該要食多幾碗。但除了這些，還有即燒海鮮和其他精緻小食，大推磯燒韓國活鮑魚（$60/隻）和磯燒大虎蝦（$50/隻），一食就知道是新鮮，口感爽，啖啖肉！Yummy！

除了有得食之外，都不會悶親小朋友，因為鰻魚祭，現場更有兩款日本傳統攤位遊戲，包括釣水球（$20鋪）和射擊遊戲（$20鋪），釣水球大人所用的紙蠅真的好難釣，茶茶試玩用的蠅索就容易多，令小朋友好有滿足感。

其實想在九號水產暢玩也不錯的，因為小朋友更可以嘗試做小車手，在市場入面開著車去完成任務，茶茶都好大滿足感喔！還有兒童電動車都一樣令茶茶為之瘋狂！

九號水產鰻魚祭日期：7月20日至22日（星期五至日）
時間：7pm-10pm（7月20日）
1pm-10pm（7月21日至22日）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 茶Cha媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！