download MamiDaily 親子日常 app
【整個孕期準媽身心各有轉變 新手媽結集懷孕時期嘅徵狀】

【整個孕期準媽身心各有轉變 新手媽結集懷孕時期嘅徵狀】

爸媽分享
By Suki 綿綿媽媽 on 15 Jul 2018

陀住綿綿bb差唔多38w, 都想同各位媽媽分享呢段時間既害喜,我諗每位媽媽都有不同徵狀,希望大家能夠多些交流,發現原來有些問題是正常, 就無須成日咁擔憂喇~

 

 嘔吐 

我聽過有些媽媽頭3個月會嘔,有些就全個孕期都嘔,我總是算幸運,暫時從未嘔過。

胃賬

整個孕期都有胃賬感覺, 所以每次都不能吃得太飽, 只能小食多餐。

胃口轉變

我聽過有些媽媽以前鐘意食既食物,會突然唔喜歡食, 甚至聞到都會嘔,我暫時無呢個情況,不過以前我唔食既食物,現在會食。有時突然會很想吃某種食物,特別喜歡食麥當勞及薯片,不過都會盡量控制自己唔好經常食。

尿頻

整個孕期都有, 頭3個月通常晚間特別多, 到後期日間及晚間都較頻密, 如果晚上訓著後,更加密, 通常每格1.5小時去一次,直到第二朝早上8點, 照統計最小要起6次身去小便, 所以睡眠質素有時未必太好, 不過幸好我可以有午睡時間補充。

便秘

頭3個月都算暢順,第4個月開始就有便秘問題,唔知關唔關食左多種 Materna 維他命而容易便秘呢,不過每天要盡量吃多份水果, 及飲多些暖水就會有改善。

 

shutterstock_567024502

胸部賬痛

頭4個月胸部特別感到賬痛,但到後期呢種感覺就慢慢消失了。

晚上失眠

通常係夜晚覺得急小便, 所以難以入睡, 另外整個懷孕期間都會有緊張及擔心既時候, 尤其是產檢前一日或等報告的日子,所以間唔中都會失眠。

日間渴睡

頭3個月會容易累及眼訓,中期反而無特別,第7-9個月又再開始容易有眼訓感覺。

胎動

第5個月開始感覺到胎動,好似金魚游來游去,到第7個月就開始活躍,現在9個月,綿綿更加用力,仲經常郁,特別係夜晚,有時突然比佢踢到肋骨,成個人即刻痛到精神晒。

 

shutterstock_509975176

口乾

我頭5個月特別口乾,尤其是夜晚,但到中期反而無乜感覺,第8-9個月又開始出現番。

嘴唇甩皮

整個孕期都是這樣,特別係冬天時候,搽極潤唇膏都不足夠。

皮膚乾及痕癢

頭5個月皮膚勁乾燥及特別痕癢,尤其是patpat 及大腿小腿位置,但懷孕後期呢種感覺慢慢又消失了。

妊娠紋

可能我第3個月開始已經搽妊娠紋油,所以暫時未有發現妊娠紋。

突肚臍

聽過好多媽媽都會突肚臍,但我整個懷孕期未見有出現,可能個個都唔同啦。

shutterstock_559725085

 

情緒起伏

我整個懷孕期比較容易喊,容易笑,容易唔開心,睇電視劇情都會有影響,不過通常好快無事,但懷孕期間,可能腦海太多野諗,心情會較多變化,所以情緒較易起伏。

三角位痛

頭3個月經常痛,好似經痛感覺,原來係子宮擴張既原因,到了懷孕中期就沒有感覺,但到懷孕第7個月開始就有扯住痛,原因係bb大左,壓住子宮,所以我後期行路都會有小小痛。

頭痛

我懷孕時期其實好小頭痛,不過如果我喊完就會即時頭痛。

腰痛

懷孕第7個月開始,有時會感到小小腰痛,可能肚子又大又重既關係, 不過keep 住做下產前運動及fit ball,會有幫助的。

肩痛

懷孕頭4個月我有肩痛,但到中後期反而沒有。可能人人反應真係唔同。

盤骨痛

我懷孕第7個月開始盤骨痛,可能之前睡眠姿勢無變,後來我嘗試每隔一段時間轉下姿勢, 盤骨開始唔痛, 慢慢又改善了。

 

shutterstock_284888609

腳抽筋

聽聞有些媽媽經常發生,有些媽媽從未發生過。而我整個懷孕期間一共出現大約5次, 次數唔算太多及唔算嚴重,幸好有綿綿爸爸即時幫手按摩就可以了,我記得係第6個月開始嘗試第一次抽筋,聽人講食鈣片,食芝士,飲康鈣C,飲奶都有幫助的。

浮腫

有些媽媽都會係懷孕後期特別浮腫,包括面,手,腳。而我係第8個月發現有幾日,隻腳腫左,但過左3日又無腫了。

***暫時我腦海只諗到咁多,如果其他媽媽有特別徵狀,歡迎分享比我知及交流下呵!

整體來講, 我覺得我整個懷孕期間,都不算是太大不適,所以我覺得自己已經好幸運及幸福,綿綿一定好錫媽媽的。

下一步就係要面對陣痛,順產分娩既痛,仲有2星期,就到預產期,真係好驚好緊張。「綿綿媽媽一定會加油!」希望各位媽媽生產順利!

==============================

Text & Photos : 綿綿媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道