【親子玩樂好去處首度引進香港帶你玩盡數碼感官互動樂園】

By QB媽媽 on 14 Jul 2018

新手媽媽, 從前只懂行街shopping扮靚飲食玩樂, 到湊B餵奶換片家務煮飯一手包辧. 儘管忙到傻, 也立志不做師奶, 要做靚太; 不做怪獸媽媽, 要給QB一個開心無憂真童年!

暑假繼續玩盡佢, 今次專程去到將軍澳, 係咩吸引到深閨媽媽和小港女出城?就係港鐵商場「PopCorn X NAMCO ぱぱぱParty玩!玩!玩!體驗館」! Namco係著名既日本遊樂設施公司, 一行入Namco小朋友都一定唔願走, 今次係香港舉行海外首個互動數碼感官PARK, 把日本本土大受歡迎的互動數碼感官樂園首度引進香港.

咁好玩同吸引既活動, 值得我由元朗帶QB入黎玩啦. 我地都係第一次黎POPCORN呀, 當然要留個念啦~

體驗館位於POPCORN 1期中庭, 場內有3個互動數碼感官遊戲, 小朋友可透過視覺, 聽覺, 觸覺激發觀察力及想像力, 玩味指數高企.事不宜遲, 即刻睇下點好玩法~

遊戲一: 《Poi Poi Painting 光彈塗漆大戰》
把傳統波波池注入新元素, 利用科技將真實彩球結合虛擬數碼漆彈, 只要將七彩波波投向屏幕, 可創造獨一無二的塗鴉大作, 小朋友一定好雀躍.

QB一入場已鎖定依個波波池目標, 小朋友對七彩波波池既情意結永遠不減. 知道可以擲D波波上屏幕會幻化成塗鴉後, 更加忘形又擲又踢, 不亦樂乎.

人家用手, 佢用腳, 真係夠暴力!! XDD

唔單止小朋友鐘意, 連媽媽我都覺得好好玩呀, 色彩繽紛仲好療癒添!

遊戲二: 《Voice Aquarium 聲Sing水族館》

透過聲線的大小高低創造專屬的魚兒，暢「游」於精彩的水底世界

玩法是先對着館內的咪高峰發出聲音, 創造專屬魚兒的大小.

聲音的高低長短是魚兒Size的指標, 不用擔心, 即使你歌聲繞樑三日, 魚兒並不一定特別大, 反而亂叫亂嗌一通, 創造出來的魚會更大條XDD

聲音經過電子處理後, 屏幕會展示七彩斑爛的專屬"音波魚"

只要輕觸屏幕, 魚兒會發出獨特聲音, 並會在水族館中暢游, 既互動又好玩.

QB由初初有D怕羞到後來已經不停搶咪了!

遊戲三: 《Flying to the Planet 飛奔到宇宙》

此遊戲為全球首度推出，讓大家挑戰身體極限，以手腳爆發力由PopCorn 一「足」即發跳出星際，以速度挑戰探索不同星球.

遊戲前小朋友要先帶上頭盔保護頭仔.

跟住影返張電子隊員證件

然後踏上跑道準備執行任務啦.

Ready ...GO.... 快速衝向"太空"....這一跳太動感了...哈哈

完成跳躍後會根據起跳的速度及角度進行數據分折, 顯示大家所能到逹的星球. 當然跑得越快越高, 可以去到更遠的星球! 不要留力, 盡力衝吧! 屏幕其實是一塊軟墊, 所以唔駛怕撞傷架~